E fundit!

15:00 Opinione Muharrem Meko

Leksion për "pelikanët"/ Kur Berisha dhe Rama do të iknin vetë

Prej 53 ditësh, Pelikanët e "ngulur", mbi shkopinjtë e dru...

LIVE SHQIPËRI-JORDANI/ Luhet miqësorja, synohet fitorja

14 Tetor 2025, 18:49, Sport CNA

Shqipëria përballet me Jordaninë, në miqësoren, që vjen pak ditë para fitores me Serbinë.

Në drejtimin e Silvinjos, që ka marrë detyrën në janar të vitit 2023, Kombëtarja ka treguar përmirësime të dukshme në organizim dhe në mënyrën e lojës. Ekipi ka fituar stabilitet në mbrojtje dhe efikasitet më të madh në fazën ofensive, me një mesatare golash që është rritur ndjeshëm krahasuar me ciklet e mëparshme.

Pavarësisht përmirësimeve, trajneri brazilian kërkon vazhdimësi dhe e sheh miqësoren e sotme ndaj Jordanisë si një test të rëndësishëm.

Nga ana tjetër, Jordania vjen në këtë përballje me një bilanc jopozitiv në ndeshjet e fundit. Vetëm dy fitore në shtatë takime kanë treguar se ekipi po kalon një periudhë të luhatshme, megjithatë, sukseset e arritura në kualifikueset aziatike e kanë bërë këtë kombëtare të hyjë në histori.

Jordania ka siguruar për herë të parë pjesëmarrjen në Kupën e Botës 2026, pas fitores 3-0 ndaj Omanit dhe renditjes në vendin e dytë të Grupit B të kualifikueseve.

LIVE SHQIPËRI-JORDANI 4-1

KOMENTI LIVE:

79’ GOOOL SHQIPËRIA! Broja merr topin nga e djathta, pason për Bajramin i cili gjuan dhe më lehtësi shënon golin e katërt.

75’ GOOOL SHQIPËRIA! Hoxha merr topin në të majtën, hyn drejt qendrës dhe lëshon një gjuajtje të fortë që befason portierin.

64’ GOOOL SHQIPËRIA! Asllani jep një asist me telekomandë për Brojën i cili del i vetëm para portës, kalon portierin dhe shtyn topin në rrjetë.

57’ Një top në thellësi për Hoxhën largohet me vështirësi nga mbrojtja kundërshtare duke sjellë një goditje këndi.

46’ Nis pjesa e dytë me tre ndryshime, pasi Gjimshiti, Shehu dhe Asani i lënë vendin në fushë Cakes, Ramadanit dhe Gripshit.

Mbyllet pjesa e parë.

40’ GOOOL SHQIPËRIA! Vjen barazimi i kuqezinjve me një inkursion të Bajramit nga e majta gjen hapësirë në fundore dhe pasimi i tij kthehet në rrjetë nga Saden i cili shënon autogol.

30’ Daku hyn në zonë në fundore nga e djathta, pason për Bajramin por atij i heqin sferën nga këmbët para se të gjuante.

27’ Vjen avantazhi i miqve! Pas një goditje këndi, e gjithë prapavija kuqezi është në gjumë dhe Al-Rashdan gjuan me kokë duke mposhtur Dajsinanin.

23’ Asani provon përsëri me të majtën nga jashtë zonës, pa sukses pasi nuk i shkon afër portës kundërshtare.

21’ Daku merr topin nga e djathta dhe gjuan, por gjen përgjigjen e portierit e pastaj Bajrami gjuan jashtë.

18’ Një pasim i gabuar mbrapa i Balliut kthehet në asist për Al-Tamarin i cili shfaqet para Dajsinanit, por gjuajtja e tij ndalet nga portieri i kuqezinjve.

16’ Asani nga jashtë zonës lëshon të majtën e tij por portieri është në shtyllën e parë dhe kontrollon.

12’ Mihaj nis një top të gjatë në thellësi për Hoxhën, sfera devijohet nga portieri i miqve.

10’ Top i shkëlqyer me të majtën i Asanit drejt Dakut, sulmuesi nuk ia del të devijojë para portës.

3’- Krosim i Asllanit nga e majta. Jordanezët për pak shkaktojnë autogol, por pret portieri.

2’- Probleme për Mirlind Dakun. Pas një përplasje kokë më kokë, sulmuesi ndjen dhimbje dhe merr ndihmën mjekësore në fushë. Lojtari vazhdon ndeshjen normalisht.

1’- Starton sfida. Luhet për fitore.