web counter
LEXO PA REKLAMA!

SHKARKO APP

App Store
Google Play

E fundit!

x

Kukësi kërkon Esat Malën

19 Korrik 2022, 09:10, Sport CNA
Kukësi kërkon Esat Malën
Esat Mala

Esat Mala mund të jetë goditja e Kukësit këtë merkato vere. 23- vjeçari është objektiv i merkatos, ndërsa së fundmi ka dalë futbollist i lirë pas mbylljes së kontratës me turqit e Giresunsporit.

Mala nuk ka arritur as akordin për një qëndrim te Partizani, ku mbylli sezonin 2021-2022 si i huazuar nga turqit. Një situatë e tillë vjen si një “asist” për verilindorët, të cilët janë hedhur menjëherë në sulm për të marrë shërbimet e mesfushorit.

Mala ka qenë një nga lojtarët më të preferuar të Skënder Gegës në vitin kur drejtoi Partizanin dhe e shpalli kampion. Ai i dha lojtarit një rol lideri në fushë, edhe pse ishte në një moshë të re.

Drejtuesit e Kukësit kanë nisur të interesohen për situatën në të cilën ndodhet Mala dhe shumë shpejt pritet t’i ofrojnë një kontratë, për të pasur kështu një ribashkim të tij me trajnerin që e promovoi në futbollin shqiptar.

Pritet që në lojë të hyjë edhe vetë Gega, për të mundur konkurrencën e skuadrave të tjera. Problem mbetet vetëm rroga që mund të pretendojë mesfushori polivalent, me Kukësin që është munduar këtë sezon të mos marrë lojtarë që rëndojnë shumë buxhetin e klubit dhe me paga deri diku të arsyeshme.

Megjithatë, në rastin e Malës mund të ketë një përjashtim, pasi do të sillte më shumë cilësi në skuadër dhe do të ishte një përforcim që mund t’u bënte vërtet punë verilindorëve.





Lajmet e fundit nga