web counter
LEXO PA REKLAMA!

SHKARKO APP

App Store
Google Play

E fundit!

x

Zguro u premton tifozëve: Do të rikthejmë Skënderbeun e madh

18 Korrik 2022, 17:45, Sport CNA
Zguro u premton tifozëve: Do të rikthejmë Skënderbeun e madh
Vangjel Zguro

Vangjel Zguro po pret me padurim datën 27 korrik, ditë kur do të marrë fluturimin nga Shtetet e Bashkuara të Amerikës për t’u rreshtuar në radhët e Skenderbeut. 

Në postimin e tij të fundit, ai thekson se do të vijë për të ndërtuar Skënderbeun e madh, çka lë të kuptohet se nuk do të jetë thjesht një vit.

“Korçë, sa shumë kujtime dhe sa shumë miq në këtë qytet. Shihemi së shpejti për të rikthyer Skënderbeun e madh”, ka qenë dedikimi i 29-vjeçarit.

Mes fotove, nuk mund të mungonte as Migen Memelli. Ky i fundit është një nga miqtë e tij më të afërt në kohën kur ishin te Skënderbeu dhe trajneri Memelli ka ndikuar jo pak në rikthimin e Zguros në Korçë, e sidomos kur dihet që largimi ishte një punë e mbyllur me kohë.

Përtej kujtimeve ajo që është më e rëndësishme për sa i përket rikthimit të Zguros është dëshira për ta ringritur ekipin. Për këtë arsye, pogradecari duket se do të jetë sërish në pozicionin e tij si “shtyllë” e boshtit të lojtarëve që do të nisin sezonin e ri.

Lojtari pritet që të gjejë ekipin në punë në kohën kur do të mbërrijë në Shqipëri, pasi kujtojmë se stërvitja starton zyrtarisht më 20 korrik.





Lajmet e fundit nga