web counter
LEXO PA REKLAMA!

SHKARKO APP

App Store
Google Play

E fundit!

x

Asllani mahnit Interin, prestigjiozja italiane i kushton artikullin special

19 Korrik 2022, 08:23, Sport CNA
Asllani mahnit Interin, prestigjiozja italiane i kushton artikullin special
Kristjan Asllani

Të gjithë prisnin Romelu Lukakun, por personazhi i ditëve të para të stërvitjeve të Interit për sezonin e ri është vetëm Kristjan Asllani. Mesfushori 20-vjeçar shqiptar i ka mahnitur të gjithë me paraqitjen në fushë, por edhe me mënyrën se si sillet jashtë saj.

Kjo e ka kthyer shpejt mesfushorin në një nga emrat më të përmendur në mediat italiane dhe “La Gazzetta dello Sport” ka botuar një artikull ku tregon se pse djaloshi u bë një emër kaq i dashur edhe për vetë pjesëtarët e skuadrës zikaltër.

“Duhej të ishte një zëvendës-Brozoviç duke rrezikuar që të mbetej në dollap meqë Epik nuk ndalet kurrë. Por përkundrazi po tregon shumë, shumë më tepër. Prezantimin e tij e bëri pikërisht Simone Inzagi, i cili që në stërvitjen e parë në Apiano u kishte thënë ndihmësve të tij: 'Po ky nuk mund të ketë 20 vite…'.

Big Rom e cilëson si një djalë dhe me shaka e bën që ta quajë baba. Brozo dhe Barela, të cilët duhet të nisin të frikësohen për vendin e tyre, qeshin me të vazhdimisht dhe nuk është për t’u hedhur poshtë mundësia që kroati ta përfshijë në rrengun e tij në rrjetet sociale 'Ku je Bare?'

Në Apianio të gjithë e duan edhe për përkushtimin dhe dashurinë e tifozit të vërtetuar. Përkundër shumë kolegëve që tregojnë se janë tifozë me skuadrën për të cilën sapo kanë firmosur, Asllani në të vërtetë ka parë gjithmonë vetëm zikaltrit. Blerja klasike që bën pak zhurmë, por pastaj bën diferencën”, shpjegon e përditshmja italiane.





Lajmet e fundit nga