web counter
LEXO PA REKLAMA!

SHKARKO APP

App Store
Google Play

E fundit!

x

Kategoria e Parë, si ndryshon renditja

21 Dhjetor 2025, 17:36, Sport CNA

Kategoria e Parë, si ndryshon renditja

Skënderbeu dhe Besa e kanë mbyllur vitin 2025 me fitore në Kategorinë e Parë. Në ndeshjet e javës së 17-të, pretendentët nuk zhgënjyen.

Korçarët triumfuan minimalisht në një transfertë delikate si ajo ndaj Kukësit. Ndonëse verilindorët renditen në vendin e fundit, në fushë treguan se janë një kockë e fortë.

Pjesa e parë ishte e qetë dhe me pak raste për shënim, ndërsa u mbyll pa gola. Në të dytën, Skënderbeu provoi më shumë në sulm.

Në minutën e 89-të, Renato Gjini bëri heroin. Sulmuesi u fut nga stoli dhe realizoi një supergol në hyrje të zonës, duke i dhënë avantazhin bardhekuqve.

Këtë avantazh, Skënderbeu e ruajti deri në fund, për të marrë tre pikë të rëndësishme në garën për tu ngjitur në Superiore.

Falë kësaj fitoreje, korçarët mbajnë vendin e parë me 40 pikë, plot shtatë pikë më shumë se Laçi i vendit të dytë.

Kukësi në krahun tjetër mban vendin e fundit me vetëm 9 pikë të grumbulluara dhe rrezikon rënien në Kategorinë e Dytë.

Standings provided by Sofascore

Në duelin tjetër, Besa triumfoi 3-1 në shtëpi ndaj Ilirisë, në një ndeshje shumë të luftuar. Çinedu zhbllokoi takimin në minutën e 16-të, ndërsa Lika barazoi për miqtë në minutën e 30-të.

Gjithsesi, kavajasit shkuan në avantazh në pushimin e pjesës së parë, pas golit të shënuar nga Kordeiro Melo në minutën e 44-t.

Fraksioni i dytë u karakterizua nga duele të forta në mesfushë, por pa raste të pastra për shënim. Treni vulosi fitoren e Besës në minutën e 88-të, duke shënuar golin e tretë.

Në fund, kishte edhe tension, me Stafën dhe Adolf Selmanin te Iliria, që u ndëshkuan me të kuq.

Kjo është fitorja e tretë radhazi për trajnerin Gugash Magani në stolin e Besës, duke i bërë një nisje perfekte kësaj aventure të re.

Me këtë sukses, Besa është ngjitur në vendin e pestë me 23 pikë, ndërsa Iliria zbret në vendin e shtatë me 22 pikë.





Lajmet e fundit nga