E fundit!

12:49 Politikë

Tensione në Kuvend/ Opozita bllokon foltoren, ndërpritet seanca

Tensione janë regjistruar në seancë plenare, pasi deputetë...

Juventusi bie në transfertë, surprizë e hidhur nga Cagliari

17 Janar 2026, 23:11, Sport CNA

Juventusi u shtang të transfertë ndaj Cagliarit, ku u mposht minimalisht. Skuadra sarde triumfoi 1-0, duke i dhënë fund serisë prej tetë ndeshjesh radhazi pa humbje të bardhezinjve në Serinë A. Ky ishte vetëm suksesi i dytë i Kaljarit në 14 përballjet e fundit shtëpiake kundër Juventusit, por me peshë të madhe si për renditjen, ashtu edhe për moralin e skuadrës.

Juventusi vinte në këtë takim pas rezultateve pozitive, përfshirë fitoren e thellë 5-0 ndaj Kremonezes, që e kishte futur ekipin në diskutimin për titullin kampion, edhe pse në rolin e ndjekësit.

Pjesa e parë u karakterizua nga mungesa e rasteve të pastra për Juventusin, i cili e pati të vështirë të depërtonte mbrojtjen vendase. Rasti më i rrezikshëm erdhi nga Fabio Mireti, goditja e të cilit u ndal me këmbë nga portieri Elia Kaprile. I njëjti lojtar ishte protagonist edhe në një episod tjetër, kur pretendoi për penallti pas një kontakti në zonë, por pas rishikimit në VAR, arbitri anuloi vendimin fillestar.

Në pjesën e dytë, ritmi i lojës u rrit. Juventusi provoi me Miretin dhe Kambiason, por pa gjetur rrugën e rrjetës. Edhe pas disa goditjeve të pasakta nga Keli dhe Kenan Jildiz, ishte Cagliari që ndryshoi rrjedhën e ndeshjes.

Në minutën e 65-të, Luka Maziteli shfrytëzoi një goditje dënimi të ekzekutuar nga Gaetano dhe me një devijim volej mposhti portierin Perin, duke kaluar vendasit në avantazh.

Pas golit, ndeshja u shndërrua në një duel mes sulmit të Juventusit dhe mbrojtjes së Cagliari. Bardhezinjtë mbajtën topin dhe ushtruan presion të vazhdueshëm, por vendasit u mbrojtën mirë, duke mbyllur hapësirat dhe duke bllokuar goditjet.

Rasti më i pastër për barazim erdhi nga Kenan Yildiz, goditja e të cilit, pas një devijimi, u përplas në shtyllë.

Në fund, Cagliari arriti ta ruajë avantazhin minimal deri në vërshëllimën finale, duke siguruar tre pikë të rëndësishme që e çojnë tetë pikë larg zonës së rënies, ndërsa Juventus renditet në vendin e pestë me 39 pikë.