web counter
LEXO PA REKLAMA!

SHKARKO APP

App Store
Google Play

Çfarë fatkeqësie për yllin e Romës, do të mungojë 5-6 muaj

5 Qershor 2023, 09:07, Sport CNA

Çfarë fatkeqësie për yllin e Romës, do të

Nuk mund të përfundonte më keq sezoni për Tammy Abrahamin, sulmuesin e Romës.

Gjatë ndeshjes së fundit të verdhekuqve në Serinë A, në “Olimpico”, kundër Specias, anglezi, i cili e nisi në stol dhe u fut në pjesën e dytë, u desh të linte fushën me barelë në minutën e 82-të (Wijnaldum hyri në vend të tij).

Abraham dëmtoi gjurin dhe që në fillim u dyshua për më të keqen, që u konfirmua më vonë.

Rezultati i rezonancës magnetike të kryer gjatë natës në Villa Stuart më pas i hoqi, fatkeqësisht, të gjitha dyshimet: “Trauma e ndrydhjes ka shkaktuar dëmtim të ligamentit të kryqëzuar anterior të gjurit të majtë”.

Një goditje e fortë për sulmuesin, i cili do të duhet të operohet dhe do të qëndrojë larg fushave të lojës për të paktën 5 ose 6 muaj, si dhe për Romën, që do të duhet të kërkojë një numër tjetër 9 në treg.

Roma më këtë fatkeqësi praktikisht humbet shumë para, pasi mund ta shiste Abrahamin, që kërkohej nga disa klube angleze, për rreth 40 milionë euro.





Lajmet e fundit nga