web counter
LEXO PA REKLAMA!

SHKARKO APP

App Store
Google Play

E fundit!

x

"Dridhet" Interi, klubi i njohur projekton Inzaghi-n në stol. I ofrohet rrogë 20 mln euro

18 Prill 2025, 17:15, Sport CNA

"Dridhet" Interi, klubi i njohur projekton Inzaghi-n në stol. I

Simone Inzaghi është padyshim një nga emrat më të nxehtë në botën e trajningut për momentin. Me një sezon të shkëlqyer në krye të Interit dhe një stil loje që ka fituar admirimin e të gjithëve, tekniku italian është kthyer në një objekt dëshire për disa nga klubet më të mëdha në botë. Dhe ndërsa zikaltrit përpiqen ta mbajnë fort në stolin e tyre, në horizont duket një përballje e vërtetë për shërbimet e tij.

Në Milano, Interi ka përgatitur prej kohësh rinovimin e kontratës me Inzaghin, një sinjal i qartë i vlerësimit për punën e tij. Por pavarësisht gatishmërisë së klubit për ta zgjatur bashkëpunimin, firma mbi kontratë ende mungon. Për momentin nuk ka sinjale alarmante, por fakti që marrëveshja nuk është zyrtarizuar, lë hapësira për skenarë të ndryshëm.

Një nga këto skenarë vjen nga Lindja e Mesme. Klubi saudit, Al Hilal, që tashmë është bërë një forcë e madhe në futbollin ndërkombëtar jo vetëm për trofetë por edhe për fuqinë financiare, po ëndërron të ulë Simone Inzaghin në stolin e tij. Drejtuesit e Al Hilalit e shohin trajnerin italian si njeriun ideal për të ndërtuar një projekt afatgjatë dhe për të konsoliduar dominimin e tyre në arenën aziatike dhe më gjerë

Sipas “La Gazzetta dello Sport”, Al Hilal është gati të bëjë një lëvizje të madhe financiare, duke i ofruar Inzaghit një kontratë marramendëse prej 20 milionë eurosh në sezon. Një ofertë që do ta bënte atë një nga trajnerët më të paguar në botë dhe që, për më tepër, vjen në një moment kur karriera e tij është në kulmin e saj.





Lajmet e fundit nga