web counter
LEXO PA REKLAMA!

SHKARKO APP

App Store
Google Play

E fundit!

x

Drama e ish-kapitenit të Milanit, i biri vuan nga një sëmundje e pashërueshme

3 Mars 2023, 15:42, Sport CNA

Drama e ish-kapitenit të Milanit, e ndarë me ndjekësit e tij në rrjetet sociale, ka prekur jo pak njerëzit në Itali dhe mbarë botën.

I biri, Alessandro, është diagnostikuar me diabet të Tipit 1. Kjo është sëmundje e pashërueshme dhe e gjithë familja e Ambrosinit kujdesen që ta ndihmojnë për ta mbajtur nën kontroll.

“Prej 6 muajsh, jeta ime dhe ajo e familjarëve të mi ka ndryshuar, për shkak se djali im i vogël, Alessandro, është diagnostikuar me diabet të Tipit 1. Deri në këto momente, kjo është një sëmundje e pashërueshme. Ne duhet t’i mbajmë gliceminë nën kontroll gjatë gjithë ditës, si dhe t’i injektojmë insulinë disa herë”, tha Ambrosini.

Duke përfituar nga rasti që zbuloi detaje nga sëmundja e të birit, ish-mesfushori i Milanit dhe Italisë bëri edhe një apel për të mbështetur kërkimet për kurimin e këtij tipi të diabetit.

“Për kurimin e kësaj sëmundjeje ka vetëm një shpresë dhe ajo kalon nga shkencëtarët. Ndaj bëj apel për të mbështetur kërkimet shkencore në këtë fushë. Djali im, bashkë me 200 mijë të tjerë, kanë nevojë për një kurë të përhershme për këtë lloj diabeti. Kam vendosur të vrapoj në maratonën e Milanos, bashkë me disa ish-shokë të mi të skuadrës, për të mbështetur Fondacionin e Kërkimeve për Diabetin”, tha Ambrosini.





Lajmet e fundit nga