Calhanoglu: Gjysma e Milanos më ka idhull, gjysma tjetër… dihet

3 Mars 2023, 14:08, Sport CNA

Ish-mesfushori i Milanit, Hakan Calhanoglu ka dhënë një intervistë të gjatë ne edicionin e sotëm të La Gazzetta dello Sport. Turku luajti për kuqezinjtë midis 2017 dhe 2021, përpara se të largohej nga klubi për t’u bashkuar me rivalët e qytetit, Interin.

Zgjedhja e tij nuk është falur kurrë nga tifozët e Milanit, të cilët gjithmonë i rezervojne nje pritje “ndryshe” në çdo kryqëzim. Mesfushori beson se sot eshte ndër mesfushoret më të mirë në botë në atë rol…

“Calhanoglu më i mirë ndonjëherë? Po, pa dyshim. Jam përmirësuar në çdo aspekt, jam një person më i pjekur edhe jashtë fushës. Është sezoni im më i mirë sepse mendërisht ndihem gjithmonë në rrugën e duhur”.

“Ndihem i nënvlerësuar. Nuk jam larg top evropianëve, kam gjithçka për t’u afruar me ta: ashtu siç jam rritur, e shoh veten ndër 5 më të mirët në Evropë në rolin tim. E them këtë me përulësi, por me vetëdije.

Ndonjëherë, disa lojtarë që luajnë për shembull në Premier League mund të kenë më shumë shikueshmëri.” Calhanoglu dhe marrëdhënia me tifozët e Milanit: “Thënë kështu: unë jam gjysma idhulli i qytetit dhe gjysma armiku. Gjysma më do dhe gjysma më urren.

Në të njëjtën ditë më ka ndodhur të dëgjoj fyerje milaniste dhe brohoritje interiste në rrugë. Është diçka që ka të bëjë me futbollin: nuk do të jem i pari apo i fundit që do të përjetoj një situatë të tillë.

Por tani nuk i kushtoj më vëmendje: e kaluara është e kaluara. Unë kam një karakter të ashpër që më ndihmon të shkoj më tej. Le të themi se, nëse mendoj se kam të drejtë, mbrohem gjithmonë, pa frikë. Dhe në fund më mjafton dashuria e tifozëve të Interit”.

“Derbi në çerekfinalen e Champions League? Do të doja shumë, do të ishte histori!”. “Rinovimi? Jam krenar që Interi dëshiron të më rinovojë dhe vullneti im është të qëndroj këtu. Por unë dua të qëndroj në Milano edhe më pas, duke qëndruar në futboll. Ndoshta do të hap edhe një restorant 100% turk që i mungon qytetit”.

“Kessie te Inter vitin e ardhshëm? Ai është një mik dhe një lojtar i madh: lojtarët e mëdhenj janë gjithmonë të mirëpritur këtu. Ne flasim shumë, është e vërtetë. Ai e di se luan për një ekip të madh, por ai gjithashtu e di se Interi nuk do të ishte më pak”.