E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

U transferua te Dinamo e Kievit, FSHF-ja nis kontaktet me Ramadanin

3 Mars 2023, 08:57, Sport CNA

Një nga transferimet më të rëndësishme të futbollit në Maqedoninë e Veriut ka qenë kalimi i talenti të ri Reshat Ramadani nga radhët e Shkëndijës së Tetovës te Dinamo Kiev në Ukrainë.

19-vjeçari i cili ka shkëlqyer me tetovarët është zyrtarizuar në klubin e ri. Ai ka qenë i entuziazmuar pas prezantimit, teksa ka shpjeguar se si e ka përjetuar kalimin në klubin e njohur ukrainas, i cili e bleu për 250 mijë euro.

“Jam shumë i lumtur që i bashkohem një ekipi kaq të madh si Dinamo Kiev. Ky është një klub i nivelit europian, është klubi më i mirë në Ukrainë! Kievin e dija që ishte një qytet i madh. E di që ka një luftë në Ukrainë, por e shoh sa të guximshëm janë njerëzit këtu. E gjithë bota ju admiron tani!”, tha fillimisht tetovari, i cili më pas prezantoi veten: “Unë jam nga një qytet i vogël me zemër të madhe. Unë dua të demonstroj të gjitha aftësitë e mia dhe të provoj veten në këtë klub. Dikur luaja qendërmbrojtës, tani mund të luaj edhe në mbrojtje, edhe në mesfushë. Megjithatë, pozicioni ku ndihem më komod dhe më i mirë për mua është një mesfushor me tipare mbrojtëse”, tha ai.

PËRJETIMI I TRANSFERIMIT-”Nuk e besova në fillim, ende nuk e besoj. Jam shumë i emocionuar tani, ky është një transferim shumë i madh për mua, jam në ëndërr. Kur e mora vesh isha shumë i hutuar. Pse zgjodha numrin 92? Është për shkak të tifozëve të ish-klubit tim, Shkëndijës. Viti 1992 është viti i themelimit të lëvizjes së tifozëve të Shkëndijës (Ballistët). Këtë numër ua dedikoj atyre”, tregoi Ramadani.

SHQIPËRIA- Sipas asaj që mëson “Panorama Sport”, Ramadani është në kontakte me FSHF-në, për të përfaqësuar ngjyrat kuqezi në ndeshjet e Kombëtares. Ai është pajisur me pasaportë shqiptare dhe pritet të jetë kalimi më i fundit në radhët e Shpresave. Pak kohë më parë, Arda Kurtulan dhe Agan Mjaki, ishin dy lojtarë që lanë Maqedoninë e Veriut dhe kaluan te Shqipëria U-21.