E fundit!

15:16 Aktualitet

Komunikimi me Ramën dhe kërcënimi nga Bajrat/ Koçeku flet për largimin nga Grupi i PS-së

Deputetja Marjana Koçeku ka folur ditën e sotme lidhur me ...

DEKLARATA SHOKUESE/ "Në futboll 30-40 për qind janë homoseksualë ose biseksualë. Do të habitemi po ta dini se kush"...

25 Gusht 2022, 12:38, Sport CNA

Igor Benevenuto, arbitri i parë i FIFA-s që u vetëdeklarua homoseksual, është shprehur në një intervistë për 'Der Spiegel', se në botën e futbollit 30 deri në 40 për qind e protagonistëve janë homoseksualë ose biseksualë.

"Le të marrim parasysh të gjithë njerëzit e përfshirë në futboll: zyrtarët, trajnerët, lojtarët dhe gjyqtarët. Midis 30-40 për qind janë homoseksualë ose biseksualë, ose kanë bërë diçka në një moment me një burrë tjetër,"- ka deklaruar arbitri brazilian për gazetën. “Do të habiteshe po të dije se kush është homoseksual në industrinë e futbollit”,- tha arbitri, i cili më në fund nuk ka hyrë në listën e gjyqtarëve për VAR-in në Botërorin e Katarit.

Në një intervistë që dha për podcastin e grupit Globo: 'Në dollapët e dhomës së zhveshjes', gjyqtari ka thënë se "ka gjyqtarë, lojtarë, trajnerë, të martuar, me fëmijë, të ndarë, me një jetë të dyfishtë, ka gjithçka. Ne ekzistojmë dhe meritojnë të drejtën për të folur për këtë, për të jetuar normalisht”.

Igor Benevenuto denoncoi se ka vuajtur paragjykimet në Brazil për shkak të gjendjes së tij seksuale dhe shpjegon, se “në Brazil homoseksualiteti shihet si një sëmundje e ngjashme me alkoolizmin, e cila mund të kapërcehet. Kam besuar për vite me radhë. Vuaja nga depresioni dhe kalova kohë të errëta. I lutesha Zotit që të largohej nga kjo sëmundje. Fatkeqësisht ka ende paragjykime", pranon ai në intervistë. "Unë nuk pres që situata të ndryshojë plotësisht gjatë jetës sime. Por unë mund të jem ende një pikë në oqeanin e ndryshimit," reflektoi ai.

Në korrik 2022, Igor Benevenuto është shprehur se "Futbolli ishte një gjë 'burrërore' dhe që herët e dija që isha homoseksual. Nuk kishte vend më të përsosur për të fshehur seksualitetin tim. Të luaja nuk ishte një opsion i qëndrueshëm, kështu që unë shkova në rrugën e vetme të mundshme: u bëra arbitër,”- thotë ai.