E fundit!

18:28 Aktualitet

Të enjten seanca e fundit e sesionit parlamentar/ Në rend dite, një sërë projektligjesh

Seanca e fundit plenare e këtij sesioni parlamentar do të ...

U godit dikur nga Hazard, djaloshi që kapte topat në listën e të rinjve më të pasur në botë

24 Gusht 2022, 20:47, Sport CNA

U godit dikur nga Hazard, djaloshi që kapte topat në listën e

Charlie Morgan kur u godit nga Hazard

Charlie Morgan u bë i famshëm në botë pasi u godit nga futbollisti i Çelsit Eden Hazard në një ndeshje në vitin 2013 dhe sot ai është në listën e të rinjve më të pasur në botë.

Në vitin 2013, Morgan u godit nga Eden Hazard ndërsa po kapte topa në një ndeshje të FA Cup midis Swansea dhe Çelsit.

Skuadra nga Uellsi, e cila garon në futbollin anglez, kishte dy gola epërsi ndaj Çelsit të favorizuar kur kishin mbetur edhe dhjetë minuta. Topi i erdhi Morganit, i cili nuk donte t'ia kthente Hazardit. Futbollisti belg i revoltuar e goditi dhe menjëherë u ndëshkua me karton të kuq.

Pas ndeshjes, Hazard kërkoi falje dhe zbuloi se kishte një bisedë të shkurtër me djalin në dhomën e zhveshjes. Pajtimi “dështoi”, dhe i riu nisi të ndërtonte karrierë larg fushës së futbollit.

Sot prestigjiozja “Times” e rendit Charlie Morgan në listën e të rinjve më të pasur në botë. Pasuria e vlerësuar e ish-talentit të Swansea është 40 milionë paund dhe ai është i përfshirë në prodhimin e pijeve alkoolike.

Në vitin 2015, Morgan dhe shoku i tij Jackson Quinn themeluan një kompani të pijeve alkoolike, Au Vodka. Dyshja vunë re se kishte një boshllëk në tregun e Mbretërisë së Bashkuar për prodhimin e vodkës premium.

Marka me shtatë lloje të ndryshme shijesh, nisi të kishte mjaft sukses dhe arriti në zinxhirët më të mëdhenj të shitjes me pakicë në botë. Ata filluan nga komuniteti lokal fillimisht duke prodhuar 2,000 shishe në ditë vetëm për pijet lokale në Swansea, sot ata e kanë rritur numrin në 35,000 shishe në ditë dhe Au Vodka është në dispozicion në 40 vende në mbarë botën.

Ndër personazhet e famshëm që reklamuan vodkën dhe e shijuan atë ishin futbollisti legjendar Ronaldinho, si dhe boksieri Floyd Mayweather. DJ Charlie Sloth iu bashkua biznesit dhe u bë partner në investim.

Kompania ka 50 punonjës në selinë e saj në Uells dhe më shumë se 630,000 ndjekës në rrjetet sociale.

Charlie u rendit i 24-ti i të rinjve më të pasur në botë nga Times. Qëllimi i ardhshëm i këtij futbollisti dikur të talentuar është të forcojë biznesin në tregun amerikan dhe ta pushtojë atë.