web counter
LEXO PA REKLAMA!

SHKARKO APP

App Store
Google Play

E fundit!

x

Interi ofron Galjardinin për Marash Kumbullën

25 Gusht 2022, 10:00, Sport CNA
Interi ofron Galjardinin për Marash Kumbullën
Marash Kumbulla

Interi nuk do ta mbyllë merkaton për sa kohë nuk i ka siguruar ende mbrojtësin e shumëkërkuar Simone Inzagit, i cili e di se një nga pikat më të forta të skuadrës së tij duhet të jetë mbrojtja. Lista e alternativave është e gjatë, ashtu si pistat në të cilat po punohet prej kohësh, por surpriza mund të vijë nga një shqiptar.

Bëhet fjalë për Marash Kumbullën, që siç raporton “calciomercato.it” është gjithmonë e më shumë në vëmendjen e zikaltërve. Operacioni që mund të dërgojë në Milano mbrojtësin e Kombëtares, mund të marrë shtysë nga dëmtimi i Xhorxhinjo Vajnaldumit, që do të qëndrojë jashtë fushave për të paktën 4 muaj.

Në një situatë të tillë, Zhoze Murinjo po kërkon me ngulm një përforcim për mesfushën dhe verdhekuqtë po vlerësojnë Roberto Galjardinin, italianin e Interit që shikohet si lojtari i duhur deri në rikthimin e holandezit.

28-vjeçari nuk është në planet e Simone Inzagit dhe prej kohësh po përflitet një largim i tij, kjo edhe falë afrimeve të Asllanit e Mikhitarianit që kanë plotësuar repartin.





Lajmet e fundit nga