web counter
LEXO PA REKLAMA!

SHKARKO APP

App Store
Google Play

E fundit!

x

Conceicao zbulon modulin te Milani: Tani janë lojtarët e duhur

6 Shkurt 2025, 15:02, Sport CNA

Conceicao zbulon modulin te Milani: Tani janë lojtarët e duhur

Milani siguroi kualifikimin në gjysmëfinalen e Kupës së Italisë, pasi mposhti Romën me rezultatin 3-1. Paraqitje e shkëlqyer nga kuqezinjtë dhe kryesisht nga lojtarët e afruar në merkato, si Gimenez dhe Felix, të cilët ishin protagonistë te goli i tretë, i shënuar nga portugezi.

Pas ndeshjes, trajneri i Milanit, Sergio Conceicao u shfaq shumë i lumtur për paraqitjen e treguar nga skuadra e tij, duke thënë se është bukur kur i shikon lojtarët të lumtur.

Ai nuk i kurseu vlerësimet për trajnerin kundërshtar Claudio Ranieri, ndërsa shtoi se lojtarët e afruar në merkato, janë të duhurit për skemën 4-4-2, që ai dëshiron të përdorë.

“Jam shumë i kënaqur për fjalët e trajnerit Claudio Ranieri. Në fund të ndeshjes shkova dhe e falenderova për atë që ka bërë. Për mua ai është një idhull.

Në vuajtëm pak në 10 minutat ë fundit të pjesës së parë. Jo vetëm te zëvendësimet këtë herë, por kush futet i jep më shumë skuadrës.

Kam luajtur për shumë vite me modulin 4-4-2 te Porto dhe më pëlqen. Lojtarët duhet të kuptojnë se nuk është e lehtë. Kemi nevojë për ekuilibër. Lojtarët e afruar kanë karakteristikat e duhura për këtë modul.

Jam shumë i kënaqur me merkaton, por edhe për tifozët. Punuam mirë në merkato. Nuk ishte e lehtë për të marrë lojtarët që dëshironim.

Është bukur kur i shikon lojtarët të lumtur në fund. Me këtë frymë duhet të ecim përpara. Ne jemi më konkurrues dhe kjo më bën të lumtur. Feliks ka shumë cilësi. Më bën të lumtur kur shoh një lojtar që shënon që në debutim gol të tillë. Kjo është bukuria e futbollit. Është sport i mrekullueshëm”, deklaroi Conceicao.

Milani në gjysmëfinalen e Kupës së Italisë, do të përballet me fituesin e çiftit Lazio-Inter.





Lajmet e fundit nga