web counter
LEXO PA REKLAMA!

SHKARKO APP

App Store
Google Play

E fundit!

x

Broja: Mungoi vetëm goli ndaj Serbisë, portieri kundërshtar më komplimentoi

7 Qershor 2025, 23:33, Sport CNA

Broja: Mungoi vetëm goli ndaj Serbisë, portieri kundërshtar

Sulmuesi i Kombëtares, Armando Broja, analizoi barazimin pa gola ndaj Serbisë.

Futbollisti kuqezi deklaroi se mungoi vetëm goli, ndërsa zbuloi edhe një bisedë që kishte me portierin kundërshtar në fund.

“Jam i mërzitur për rezultatin. E dimë se ky grup është shumë i vështirë. Sot kemi luajtur një ndeshje shumë të bukur. Kishim raste për shënim. Na mungoi vetëm goli. Të gjitha aspektet kanë qenë të bukura.

E njoh mirë atë pozicion. Më tha trajneri që Serbia do të kishte hapësira aty. Na mungoi vetëm goli. E di shumë mirë atë pozicion në fushë. Unë dua të jap maksimumin kur vendos trajneri. Jemi të mërzitur që nuk fituam.

Unë jam njeriu i parë në fushë që dua të shënoj. Gjëja më e bukur është të fitojmë ndeshjen. Sot ka pasur mundësi edhe lojtarët e tjerë për të dhënë tre pikëshin.

Te rasti im në fund, u afrova shumë dhe ndoshta gjuajtja fort, sepse doli portieri. Mendova se Manaj ose Hoxha do ishin aty. Unë kam qenë jashtë për shumë kohë dhe këto gjëra të vogla, vijnë kur luan shumë minuta. Nuk e them për justifikim, por edhe unë kisha mundësinë të gjuaja.

Portieri i Serbisë më tha se kemi luajtur një ndeshje të fortë dhe se jemi një ekip shumë i fortë”, u shpreh Broja per Tv Klan.





Lajmet e fundit nga