11 “luftëtarët” ndaj Serbisë, Silvinjo bën gati formacionin

7 Qershor 2025, 08:28, Sport CNA

11 “luftëtarët” ndaj Serbisë, Silvinjo bën gati

Kombëtarja shqiptare është gati për ndeshjen kundër Serbisë, e vlefshme për kualifikueset e Kupës së Botës, e cila do të zhvillohet të shtunën në stadiumin “Air Albania” në Tiranë. Kjo sfidë konsiderohet me rëndësi të madhe për ecurinë në grup dhe për objektivin e Shqipërisë për t’u kualifikuar në fazën finale të turneut.

Trajneri Silvinjo ka punuar me grupin e lojtarëve përgjatë javës, duke testuar disa variante në formacion dhe duke analizuar mundësitë që i ofron çdo lojtar në pozicionet kyçe. Deri në këtë fazë, disa emra janë pothuajse të konfirmuar në formacionin startues, ndërsa për disa pozicione dilemat mbeten ende të hapura.

Në portë pritet të jetë Thomas Strakosha, i cili ka fituar besimin e plotë të stafit. Në mbrojtje, kapiteni Berat Gjimshiti dhe MarioMitaj janë të konfirmuar, përkatësisht në qendër dhe në krahun e majtë. Në të djathtë, Elseid Hysaj duket më pranë formacionit krahasuar me Ivan Balliun, ndonëse vendimi përfundimtar do të merret para ndeshjes. Në qendër të mbrojtjes, përkrah Gjimshitit, janë tre kandidatë për një vend: Arlind Ajeti, Marash Kumbulla dhe Ardian Ismajli.

11 “luftëtarët” ndaj Serbisë, Silvinjo bën gati

Në mesfushë, dy pozicione janë të rezervuara për KristjanAsllanin dhe Ylber Ramadani, që pritet të jenë titullarë në bazë të paraqitjeve të tyre të qëndrueshme në ndeshjet e fundit. Për rolin e tretë në këtë repart, më i favorizuar është Qazim Laçi, i cili ofron intensitet dhe mbulim në zona të ndryshme të fushës, ndonëse nuk ka shumë lartësi fizike.

Sa i takon krahëve, në të majtë Arbër Hoxha dhe Nedim Bajrami janë në garë për një vend në formacion. Në të djathtë, JasirAsani ruan statusin e tij si zgjedhja e parë për shkak të kontributit të tij ofensiv dhe aftësive individuale. Për pozicionin e sulmuesit të vetëm, Armando Broja është kandidati kryesor për të filluar ndeshjen si titullar. Ai ka treguar formë të mirë dhe është përshtatur me kërkesat taktike të Silvinjos. Rei Manaj, i cili është rikuperuar pas një gjendjeje gripale, do të jetë i gatshëm në stol dhe mund të aktivizohet gjatë ndeshjes.

Përveç aspektit sportiv, për këtë ndeshje janë marrë masa të forta sigurie për shkak të ndjeshmërisë së sfidës dhe historikut të përballjeve mes dy kombëtareve. Rreth 2 mijë forca sigurie janë angazhuar, përfshirë njësi të specializuara dhe struktura të antiterrorit. Autoritetet kanë kërkuar bashkëpunim nga tifozët dhe një sjellje korrekte në përputhje me standardet e FIFA-s dhe UEFA-s.

Trajneri Silvinjo dhe skuadra do të kërkojnë të marrin një rezultat pozitiv që do t’i mbajë gjallë shpresat për kualifikim në Kupën e Botës.