web counter
LEXO PA REKLAMA!

SHKARKO APP

App Store
Google Play

E fundit!

x

Bologna tenton Asllanin, por duhet zgjidhur diçka

17 Gusht 2025, 18:35, Sport CNA

Bologna tenton Asllanin, por duhet zgjidhur diçka

Interi duket shumë aktiv në merkato, sidomos me atë në dalje. Pas akordit të arritur me Atalantën për kalimin e Nikola Zalewskit, që pritet të zyrtarizohet së shpejti, klubi zikaltër po punon për një tjetër shitje.

Në qendër të vëmendjes është mesfushori shqiptar Kristjan Asllani, i cili prej fillimit të korrikut është vënë në treg.

Interesimi për lojtarin ka qenë i vazhdueshëm, por së fundmi Bologna ka kaluar në plan të parë për të siguruar shërbimet e tij, duke lënë pas Torinon.

Interi ka përcaktuar qartë kushtet ekonomike të marrëveshjes. Kartoni i Asllanit vlerësohet jo më pak se 15 milionë euro. Opsioni i parë për klubin mbetet një shitje e plotë.

Nëse kjo nuk arrihet, atëherë zikaltrit janë të gatshëm të marrin në konsideratë një huazim me detyrim blerjeje, për të pasur garanci financiare në fund të sezonit.

Në këtë pikë qëndron edhe ndryshimi më i madh mes palëve. Bologna është e gatshme të prezantojë një ofertë për huazim me të drejtë blerjeje, e cila do të kthehej në detyrim vetëm në rrethana të caktuara.

Kjo diferencë mes “obligimit” dhe “të drejtës” është çështja që mbetet për t’u zgjidhur. Megjithatë, vlerësimi financiar i kartonit nuk përbën problem madhor, çka lë hapësirë për një zgjidhje të mundshme.

Kjo javë pritet të jetë vendimtar për negociatat. Palët do të ulen në tavolinë për të diskutuar formulën më të përshtatshme, ndërsa të dy klubet kanë interes që marrëveshja të finalizohet.





Lajmet e fundit nga