web counter
LEXO PA REKLAMA!

SHKARKO APP

App Store
Google Play

E fundit!

x

Bledi Shkëmbi zbulon prapaskenat: Isha afër stolit të Skënderbeut, ja pse dështoi

9 Prill 2024, 16:56, Sport CNA

Bledi Shkëmbi zbulon prapaskenat: Isha afër stolit të

Trajneri korçar, Bledi Shkëmbi, zbuloi se ka qenë afër për të marrë drejtimin e Skënderbeut, por nuk u realizua, pasi tha se kishte frikë të fillonte në atë moment.

Sipas tij, Skënderbeu është një realitet interesant tashmë, ndërsa shtoi se një ditë do të ulet në stolin e kësaj skuadre.

“Mund ta them që Tirana fitoi një pikë. Më bëri përshtypje mosreagimi i Tiranës kur Skënderbeu mbeti me dhjetë lojtarë. Në pjesën e parë, portieri i Skënderbeut nuk u ndje pothuajse fare në vështirësi.

Skënderbeu sulmoi dhe humbi një penallti. Do të ishte goditje e madhe për Tiranën nëse do të shënohej penalltia. Pashë një Tiranë me frikë.

Më pëlqen shumë Skënderbeu, edhe pse nuk ka presionin e Tiranës. Më pëlqeu edhe që Gvozdenovic tentoi fitoren edhe me një lojtar më pak. Rrallë ndodh.

Nëse e shihje ndeshjen pa e ditur çfarë kishte ndodhur, nuk dallohej kush ishte me dhjetë lojtarë…

Skënderbeu realitet interesant. Është tek 2-3 ekipet më të mira për mënyrën si luan, për logjikën e lojës dhe vazhdimësinë. I shoh lojtarët të luajnë pa presion.

Kam pasur një moment që isha afër stolit korçar, por nuk e pashë të arsyeshme. Kisha frikë ta filloja në atë moment. Një ditë do të jem trajner i Skënderbeut”, deklaroi Shkëmbi për Supersport.





Lajmet e fundit nga