web counter
LEXO PA REKLAMA!

SHKARKO APP

App Store
Google Play

Asllani shfaqet i prekur: U ekzagjerua me kritikat ndaj meje pas derbit, por jam mësuar

12 Janar 2025, 18:29, Sport CNA

Asllani shfaqet i prekur: U ekzagjerua me kritikat ndaj meje pas derbit, por jam

Kristjan Asllani ishte një nga lojtarët më të mirë në fitoren minimale te Interit ndaj Venezias. Mesfushori shqiptar, ishte protagonist te goli i vetëm i takimit i shënuar nga Darmian.

Kjo paraqitje e shkëlqyer, vjen pak ditë pasi Asllani u përball me kritika të shumta, për derbin ndaj Milanit.

Në prononcimin e dhënë pas ndeshjes, ai u shfaq i prekur, ndërsa theksoi se kritikat ishin të ekzagjeruara.

Megjithatë mesfushori u shpreh se është mësuar me këtë situatë dhe shtoi se lojtarët e mbështesin, diçka që e bën të lumtur për momentin.

“Për mua flitet shumë gjithmonë, jam mësuar me këtë. Ka ndodhur në të kaluarën me Monzën dhe tani në derbi. I kam fshirë rrjetet sociale dhe kam lexuar më pak. Jam i lumtur që kam shumë njerëz këtu në klub që besojnë te mua.

Kritikat janë të ekzagjeruara, por nuk është problem. Na duhej të përgatiteshim për këtë ndeshje dhe të rikuperoheshim moralisht. Më vjen mirë që ia dola. Ishte e rëndësishme të merrnim tre pikët dhe jam i kënaqur për këtë.

Derbi i humbur na lëndoi, por kemi ndeshje të rëndësishme përpara. Ishte e drejtë ta harronim atë ndeshje dhe të riktheheshim. Jemi të lumtur për fitoren, sepse ishte një ndeshje e rrezikshme. Nuk bëmë asnjë gabim. Gjatë javës kam pasur besim të madh. Jam me fat që kam këtë grup afër meje. Këto momente më bëjnë të lumtur”, u shpreh Asllani.





Lajmet e fundit nga