web counter
LEXO PA REKLAMA!

SHKARKO APP

App Store
Google Play

Asllani: Ndeshje e veçantë ndaj Italisë, jam i lumtur me minutat tek Interi

14 Nëntor 2022, 13:57, Sport CNA

Mesfushori i Kombëtares, Kristjan Asllani, foli në konferencë për shtyp, pas grumbullimit, për ndeshjen miqësore me Italinë, e cila do të zhvillohet këtë të mërkurë.

Asllani deklaroi se kjo do të jetë një ndeshje e veçantë për të, pasi ka jetuar në Itali që nga mosha 2-vjeçare.

Më tej ai tha se skuadra do të provojë për një rezultat pozitiv, që të bëjë të lumtur tifozët.

"Do jetë një ndeshje e veçantë për mua, jetoj në Itali prej moshës 2 vjeçare. Kam shumë shokë atje. Ndeshje e vështirë, por do provojmë të lumturojmë njerëzit tanë. Ngacmime jo, por më kanë pyetur se kur do luajmë, ku do rrinë ata dhe kështu gjërash. Mezi po e pres si ndeshje.

Italia ka nivel shumë të lartë, por ne do provojmë të bëjmë ndeshjen tonë, pasi kemi shumë kualitet. Gjërat shkojnë mirë kur skuadra fiton, kur nuk ndodh ka zëra. Grupi është bashkë, jemi të gjithë shokë dhe shumë të bashkuar. Le të vazhdojmë kështu. Përgjegjësia duhet, shpresoj të marr sa më shumë minuta në Kombëtare, që të marr besim te vetja."

Në lidhje me aktivizimin tek Interi, Asllani tha se është i lumtur për aq minuta sa ka pasur, duke përmendur edhe lojtarët që ka në atë rol.

"Rasti i Barcelonës? Normal që më vjen në mendje, por ekipi dhe të gjithë më kanë qëndruar afër. Ishte rast historik, por gjithsesi e kaluam turnin.

Interi? Jam lojtar i ri, kam përpara Brozovic dhe Calhanoglu, nga të cilët mund të mësoj. Jam i lumtur me kaq minuta që kam luajtur, nuk është e lehtë. Reja? Shpresojmë të bëjmë mirë, të ndihmojmë trajnerin, t’i japim besim atij dhe t’i fitojmë këto dy ndeshje.

Shqipëria më e mirë? Nuk e di, por kjo mund të jetë Shqipëria më e fortë, pasi kemi lojtarë të fortë dhe teknikë. Shpresoj t’i bëjmë të lumtur të gjithë tifozët. Shorti i 'Euro 2024'? Kemi shumë shanse të kalojmë."





Lajmet e fundit nga