web counter
LEXO PA REKLAMA!

SHKARKO APP

App Store
Google Play

Skënderbeu rigjen Vangjel Zguron: Do të luaj me injeksione kundër Korabit

14 Nëntor 2022, 12:03, Sport CNA

Skënderbeu rigjen kapitenin pas një muaji mungesë. Vangjel Zguro ka vendosur që të kthehet kundër Korabit, pasi ka humbur zyrtarisht Tomorin, Besëlidhjen dhe Flamurtarin. Mbrojtësi do të “shtrëngojë dhëmbët” dhe me shumë mundësi do ta nisë nga minuta e parë sot. Ai rrëfen se do të luajë me injeksion, përtej problemeve që ka pasur me dëmtimin në kavilje. Gjatë një deklarate të dhënë enkas për “Panorama Sport”, ai thotë:

“Pas konsultës me mjekët e ekipit, vendosa që të sakrifikoj dhe të zbres me skuadrën në stërvitje.

E kam provuar sot (dje) dhe ndiej ende dhimbje, por më e rëndësishme në këto momente është që të jemi të gjithë të gatshëm për Skënderbeun.

Do të mundohem të shtrëngoj dhëmbët dhe të luaj me injeksione për të qenë në fushë me ekipin. Është një moment delikat pas dy barazimeve dhe kërkon impenjim maksimal nga të gjithë.

Për këtë arsye vendimin e mora vetë për të qenë i gatshëm për këtë takim.

Shpresoj që gjithçka të shkojë mirë. E rëndësishme është që t’i japim shkundjen e duhur ekipit në këtë moment dhe të rikthehemi tek ecuritë pozitive të gjithë së bashku”, theksoi Zguro.

Me rikthimin e kapitenit, Migen Memelli do të ketë një dilemë më pak. Pezull mbetet vetëm Dritmir Beci, që me shumë gjasa nuk do të luajë.





Lajmet e fundit nga