web counter
LEXO PA REKLAMA!

SHKARKO APP

App Store
Google Play

Kategoria Superiore zbret sot në fushë/ Partizani inauguron stadiumin e ri, spikat derbi Teuta-Erzeni

14 Nëntor 2022, 09:41, Sport CNA

Kategoria Superiore zbret sot në fushë/ Partizani inauguron stadiumin

Kategoria Superiore do të ulë siparin e javës së 12-të me dy sfida interesante për t'u rikthyer më pas në muajin dhjetor për shkak të pauzës së Botërorit të Katarit.

Në orën 13:00, në stadiumin “Arena Egnatia”, do të luhet derbi i Durrësit, Teuta-Erzeni. Durrsakët e Bledi Shkëmbit ndodhen në vendin e fundit dhe kërkojnë kthesën pas tri ndeshjesh pa fitore, e njëjta gjë vlen edhe për ekipin shijakas të Xhevahir Kapllanit, teksa synojnë triumfin, të cilëve u mungon prej dy takimeve.


Vlen të theksohet se ky takim do të luhet në Rrogozhinë, pasi fusha e stadiumit “Niko Dovana”, i është nënshtruar mbjelljes së barit.

Në orën 16:00, në stadiumin e ri “Partizani”, do të zhvillohet dueli Partizani-Bylisi.

Një ndeshje që do të luhet nën dritat e projektorëve, e para për të kuqtë nga kryeqyteti në impiantin e ri në kampionat, teksa duan fitoren pas dy humbjeve radhazi.

Ndërsa ballshiotët e Arian Bellait e shohin veten në vendin e parafundit me 5 sfida radhazi pa fitore, duan kthesën me çdo kusht.





Lajmet e fundit nga