LIVE | Teuta-Erzeni/ Starton derbi, skuadrat në kërkim të fitores

14 Nëntor 2022, 13:01, Sport CNA

LIVE

Ka startuar në orën 13:00, në stadiumin “Arena Egnatia”, derbi i Durrësit, Teuta-Erzeni, e vlefshme për javën e 12-të në Kategorinë Superiore.

Durrsakët e Bledi Shkëmbit ndodhen në vendin e fundit dhe kërkojnë kthesën pas tri ndeshjesh pa fitore, e njëjta gjë vlen edhe për ekipin shijakas të Xhevahir Kapllanit, teksa synojnë triumfin, të cilëve u mungon prej dy takimeve.

Vlen të theksohet se ky takim po luhet në Rrogozhinë, pasi fusha e stadiumit “Niko Dovana”, i është nënshtruar mbjelljes së barit.

LIVE | TEUTA 0-0 ERZENI

KOMENTI LIVE –

44′ “Ndizet” sfida, Erzeni pranë golit! Kahrimanoviç kroson në zonë nga goditja e dënimit, por me kokë Enk gabon duke e dërguar topin jashtë.

40′ Shpërthejnë protestat! Teksa Teuta pretendon penallti pas një pengimi në zonë.

39′ Tani është Teuta ajo që provon me kapitenin, Emiljano Vilën nga një goditje me kokë nga këndi, por topi përfundon jashtë.

33′ Erzeni rrezikshëm, teksa provohet rasti i parë për gol! Pano Qirko bën ndërhyrje vendimtare ndaj Amir Kahrimanoviç duke i mohuar goditjen dhe golin shijakasve.

28′ Erando Karabeci provon portën nga një distancë e konsiderueshme në goditje dënimi, por topi përfundon shumë larg portës së mbrojtur nga Dashamir Xhika.

26′ Vjen kartoni i parë i verdhë i takimit! Kapiteni i Erzenit, Gëzim Krasniqi ka goditur në fillim kundërshtarin me takën lart dhe më pas topin, me arbitrin kryesor, Enea Jorgji, i cili e ndëshkon me të verdhë menjëherë.

21′ Teuta provon të befasojë shijakasit me një kundërsulm me Ildi Grudën, me këtë të fundit që gabon duke shtyrë shumë topin dhe me portierin Dashamir Xhikën që e bën topin për vete.

17′ Ledjo Beqja mbetet i dëmtuar pas një përplasje me kundërshtarin, por edhe për të asgjë serioze.

14′ Erzeni provon kundërsulmin me Peposhin, por mbrojtja e Teutës tregohet e saktë duke mbyllur rrezikun.

8′ Ildi Gruda mbetet i dëmtuar duke marrë një goditje pas kokës, me stafin mjekësor të Teutës që hynë në fushë për ta mjekuar, por asgjë serioze.

7′ Prej disa minutash ekipi i drejtuar nga Bledi Shkëmbi po tregohet rrezikshëm duke prodhuar disa raste për gol, por duke qenë të pasaktë përpara portës.

4′ Teuta kryen një goditje këndi, por portieri Xhika ka grushtuar topin.

1′ Starton derbi i Durrësit! Teuta shkelmon topin e parë të takimit.

FORMACIONET ZYRTARE –

TEUTA – (4-3-3): Qirko; Kotobelli, Kuro, Idrizaj, A. Marku; Beqja, Karabeci, E. Vila; L. Vila, Hebaj, Gruda. Trajner: Bledi Shkëmbi.

ERZENI – (3-5-2): Xhika; Enk, Krasniqi, Sadiki; Kadriu, Kriviçiç, Mehmeti, Kahrimanoviç, Peposhi; Ademi, Nonato. Trajner: Xhevahir Kapllani.