web counter
LEXO PA REKLAMA!

SHKARKO APP

300 ndeshje me Real-in, Ancelotti: E dua Milan-in, por jam në klubin më të mirë në botë

23 Shtator 2024, 13:59, Sport CNA
300 ndeshje me Real-in, Ancelotti: E dua Milan-in, por jam në klubin
Carlo Ancelotti

Këtë të martë, duke nisur nga ora 21:00, Real Madrid do të përballet me Deportivo Alaves në “Santiago Bernabeu”, sfidë që luhet për llogari të javës së shtatë të La Liga-s.

Një takim që do të jetë shumë special për trajnerin e “Los Blancos”, Carlo Ancelotti-n, me italian që do të bëjë 300 ndeshje në krye të madrilenëve.

Duke folur për mediet në prag të kësaj sfide, tekniku i Real-it u shpreh se ka një dashuri të veçantë për Milan-in, por shtoi se ndodhet në klubin më të mirë në botë.

"Kam pasur fatin e madh të stërvit në klube të mëdha, si Milan-i, për të cilin kam një dashuri të veçantë, por Real Madrid-i është klubi më i mirë në botë, nuk ka dyshim për këtë. Të jem në këtë stol në 300 ndeshje është një mrekulli”-deklaroi Carlo Ancelotti.

Real Madrid vjen në këtë përballje pa asnjë humbje në sezonin e ri të La Liga-s dhe do tentojë të ruajë trendin pozitiv./CNA





Lajmet e fundit nga