web counter
LEXO PA REKLAMA!

SHKARKO APP

App Store
Google Play

E fundit!

x

Vizatimet e fëmijëve

14 Janar 2024, 22:08, Sociale CNA

Vizatimet e fëmijëve

“Na e mbushi shtëpinë me shkaravina, pale po merzitet po s’ja pëlqeve”. Këto biseda janë të zakonshme nga nënat dhe gjyshet.

Prindër! Të rritur! Kini kujdes kur i quani shkaravina vizatimet e fëmijëve. Përpiquni të kuptoni, që fëmija juaj nuk bën shkaravina.

Fëmija po përpiqet të bashkojë shqisat, memorjen, zhdërvjelltësinë e dorës dhe fantazinë e tij, për të realizuar atë që ka parë, di dhe ka mësuar.

Fëmija dëshiron të bëjë gjëra me dorën e tij. Mirëpo i rrituri, nuk ka kohë të vlerësojë përpjekjet titanike të fëmijës.

Mbase nuk ka faj (i rrituri), pasi kjo sjellje i është regjistruar në memorie, në pjesën e saj të pavetëdijëshme, të cilën njeriu e ka shumë të vështirë ta konstatojë dhe kontrollojë.

Këto mënyra të sjelluri, vijnë nga koha kur ai vetë ishte fëmijë dhe të rriturit pranë tij u sollën në të njëjtën mënyrë me të. E megjithatë njeriu ka edhe mekanizma vullneti, të cilat e ndihmojnë të përzgjedhë veprimin dhe të bëjë gjënë e duhur.

 Këtë gjë duhet të bëjnë edhe prindërit, t’i shikojnë “shkaravinat” e fëmijëve të tyre, si “pasqyrë” të përpjekjeve, që fëmija bën për të rritur e zhvilluar veten, për të njohur botën dhe për të përdorur dijet, apo të diturat sa herë ti duhen sa më saktë e bukur.

Ky është një proces i gjatë e i vështirë që tregon se si evoluon mendja e fëmijës.

Ndërtimi i mendjes dhe mendimit të njeriut nuk është një gjë e lehtë. Përkundrazi, kërkon shumë mund, pasi është një proces që kërkon bashkëpunim i rritur i parritur. I rrituri po nuk e respektoi dhe asistoi mundin e të parriturit, procesi vështirësohet edhe më shumë ose mund të ndërpritet. Miratimi i të rriturit për fëmijën, është gati domosdoshmëri.





Lajmet e fundit nga