web counter
LEXO PA REKLAMA!

SHKARKO APP

App Store
Google Play

Sinodi i Shenjtë përzgjedh pasuesin e Kryepeshkopit Anastas/ Kërkesa e testamentit: Një klerik shqiptar në krye të Kishës

16 Mars 2025, 08:29, Sociale CNA

Sinodi i Shenjtë përzgjedh pasuesin e Kryepeshkopit Anastas/
Kryepeshkopi Anastas, pas ndarjes nga jeta më 25 janar në moshën 95-vjeçare, u preh në Shqipëri, në katedralen ortodokse. Në testamentin e tij, Anastas Janullatos shprehu dëshirën që në krye të Kishës Ortodokse Autoqefale të Shqipërisë të zgjidhej një klerik shqiptar.

Këtë të diel Sinodi i Shenjtë i Kishës Ortodokse do të mblidhet për të zgjedhur pasuesin e tij. Sinodi përbëhet nga shtatë anëtarë, pesë prej të cilëve janë shqiptarë, duke përfshirë mitropolitët e Korçës, Beratit, Apolonisë, Elbasanit dhe Krujës. Dy anëtarë të tjerë, mitropolitët e Amantias dhe Gjirokastrës, janë shtetas grekë.

Zgjedhja e Kryepeshkopit të ri është një proces që do të realizohet pas Liturgjisë Hyjnore, ku anëtarët e Sinodit do të votojnë për një nga mitropolitët shqiptarë. Emri më i përfolur për këtë post është ai i Hirësisë së tij Joanit të Korçës, i cili pas vdekjes së Anastasit mori përsipër udhëheqjen e përkohshme të Kishës. Në këtë proces, gjithashtu pritet që të shpallet një mesazh publik nga Kryepeshkopi i ri dhe të nisin ceremonitë fetare me shpalljen e emrit të tij dhe kumbimin e kambanave në katedralet dhe kishat e Shqipërisë.

Kryepeshkopi Anastas ka pasur një ndikim të madh në ringjalljen dhe forcimin e Kishës Ortodokse në Shqipëri, duke udhëhequr institucionin fetar për më shumë se tre dekada, veçanërisht në periudhën pas rënies së regjimit ateist komunist, kur shumë kisha u shkatërruan dhe besimi fetar u persekutua. Pas vdekjes së tij, shumë besimtarë dhe anëtarë të Kishës janë të fokusuar në gjetjen e një pasuesi që do të vazhdojë misionin e tij dhe do të udhëheqë Kishën në një periudhë të re./CNA

 





Lajmet e fundit nga