web counter
LEXO PA REKLAMA!

SHKARKO APP

App Store
Google Play

Biznesmeni i suksesshëm nga Korça që zotëron 7 restorante në Itali

6 Mars 2025, 17:58, Sociale CNA

Biznesmeni i suksesshëm nga Korça që zotëron 7 restorante

Ministri i Shtetit për Marrëdhëniet me Parlamentin dhe Drejtuesi Politik i Partisë Socialiste për Diasporën, Taulant Balla ka zhvilluar një takim me shqiptarët në Romë.

Balla është takuar me Bleron Islamin nga Korça, i cili zotëron një rrjet restorantesh në Itali. Bleroni jeton e punon prej 20 vitesh në Romë, dhe në restorantet e tij ka punësuar dhe mjaft shqipëtarë të tjerë.

 

"Përshëndetje nga Roma, ku shqiptarët shkëlqejnë me arritjet e tyre. Njëri prej tyre është një djalë nga Korça, Bleron Islami, i cili prej 20 vitesh jeton e punon këtu dhe tanimë mund të quhet një model i suksesit të bashkatdhetarëve tanë, këtu në kryeqytetin e Italisë dhe kryeqytetin botëror të turizmit, sikurse është Roma, në Piazza Navona, ku numri i turistëve është një ndër më të mëdhenjtë.

Bleroni ka 7 restorante të cilat i administron vetë dhe ky është një numër i shkëlqyer. Ajo që dua ta vlerësoj shumë është që edhe stafin apo bashkëpunëtorët e tij, shumica janë nga Shqipëria.  Tani kjo Piazza Navona duhet ta ndryshojë emrin dhe mendoj duhet ta bëjë Pizza Korça. Përshëndetje të gjithëve", tha me shaka Balla, krah biznesmenit të suksesshëm nga Korça.

 

Bleron Islami tha se 80% e stafit dhe bashkëpunëtorëve të tij janë shqiptarë.

"Po, po. Rreth 80% e bashkëpunëtorëve janë nga Shqipëria, sepse unë gjithmonë kam dashur të angazhoj, të ndihmoj dhe të bashkëpunoj me bashkatdhetarët tanë. Sepse duhet të ndihmojmë njëri-tjetrin”, tha Islami./ CNA





Lajmet e fundit nga