Rritet numri i shkurorëzimeve në Kosovë – gati 1 mijë çifte u ndanë në shtatë muaj

17 Shtator 2025, 12:44, Sociale CNA

Rritet numri i shkurorëzimeve në Kosovë – gati 1 mijë

Numri i shkurorëzimeve në Kosovë po shënon rritje të vazhdueshme. Vetëm në periudhën janar-korrik të këtij viti, gjithsej 953 çifte i kanë dhënë fund martesës së tyre.

Numri i shkurorëzimeve në Kosovë po rritet për çdo ditë. Vetëm për shtatë muaj nga janari deri në korrik të këtij viti 953 çifte i kanë dhënë fund martesës së tyre.

Sipas të dhënave të Agjencisë së Statistikave të Kosovës (ASK) vetëm në muajin janar të vitit 2025 janë regjistruar gjithsej 124 raste të shkurorëzimeve.

Ndërkaq gjatë muajit shkurt 141 çifte i dhanë fund martesës së tyre. E në muajin mars janë regjistruar 123 raste të shkurorëzimeve.

Numri i shkurorëzimeve është rritur në prill duke shkuar në 140 raste. Ndërkaq në maj janë 113 çifte të cilët janë ndarë.

E numri i shkurorëzimeve është rritur sërish në qershor duke u shënuar 135 raste. Ndërkaq korriku shënon rritje prej 31 për qind krahasuar me muajin qershor, duke shkuar në 177 numri i rasteve të shkurorëzimeve.

Shkurorëzimet muaj pas muaji:

Janar 2025 – janë regjistruar 124 raste shkurorëzimesh.

Shkurt 2025 – u rritën në 141 raste.

Mars 2025 – pati një ulje të lehtë, me gjithsej 123 raste.

Prill 2025 – numri u rrit sërish, duke arritur në 140 raste.

Maj 2025 – u shënuan 113 raste, një ndër muajt me më pak ndarje.

Qershor 2025 – trendi u ngrit përsëri, me 135 raste.

Korrik 2025 – arriti kulmin me 177 raste, që paraqet një rritje prej 31% krahasuar me qershorin.

ASK thekson se vetëm në korrik është regjistruar numri më i lartë i ndarjeve për këtë vit deri më tani.

Shkurorëzimet, sipas qyteteve, në korrik 2025:

Prizreni – prin me 22 raste.

Ferizaj – 16 raste.

Peja dhe Gjilani – nga 14 raste secila.

Rahoveci dhe Gjakova – nga 13 raste.

“Sa u përket shkurorëzimeve të ndodhura në Kosovë, për muajin korrik janë 177 raste, krahasuar me muajin qershor kemi rritje të numrit të çifteve të shkurorëzuara për (31 %)”, thuhet në raportin e ASK-së.

Nga statistikat e muajit korrik, Prizreni prin me 22 raste të shkurorëzimeve.

“Nga të dhënat e ASK-së për muajin korrik, me numrin më të madh të shkurorëzimeve prin Prizreni me 22 raste, pasuar nga Ferizaj me 16 raste, Peja e Gjilani me 14 raste dhe Rahoveci e Gjakova me nga 13 raste”.

Përveç ndarjeve, të dhënat tregojnë se gjatë kësaj periudhe ka pasur edhe shtim të kurorëzimeve. Vetëm në korrik 2025 janë regjistruar gjithsej 1 236 raste të kurorëzimeve (në Kosovë dhe jashtë saj), që paraqet një rritje prej 45% krahasuar me qershorin.

“Kurorëzimet e ndodhura në Kosovë dhe jashtë Kosovës për muajin korrik janë 1 236 raste, krahasuar me muajin qershor ka një rritje të numrit të çifteve të kurorëzuara për 45 %”./ Monitor