LEXO PA REKLAMA!

SHKARKO APP

Rikthehen temperaturat e nxehta/ Çfarë parashikojnë sinoptikanët për javën e ardhshme

10 Korrik 2022, 16:04, Sociale CNA
Rikthehen temperaturat e nxehta/ Çfarë parashikojnë
Foto ilustruese

Për javën që presim përpara, vendi ynë pritet të ndikohet nga kushte të qëndrueshme atmosferike me temperatura të “freskëta” në orët e natës dhe jo shumë të larta në ato të mesditës.

Në këtë mënyrë, moti për të gjithë javën (nga e hëna deri dhe të premten) parashikohet i kthjellët dhe me plot orë me diell.

Megjithatë, nga orët e mesditës deri ato të pasdites priten edhe vranësira të pakta deri mesatare kalimtare dhe kryesisht përgjatë relieveve kodrinore – malore në lindje të territorit. Vranësirat në relievet e larta malore të vendit do të shoqërohen me shi të izoluar dhe të dobët.

Era do të fryjë me drejtim nga kuadrati i veriut dhe deri ditën e enjte përgjatë vijës bregdetare dhe në lugina relativisht intensive dhe me shpejtësi deri në 6-10 m/s. Duke filluar nga dita e premte, itensiteti i erës bie.

Sipas Shërbimit Meteorologjik Ushtarak, drejtimi mbetet përsëri nga kuadrati i veriut, por me shpejtësi mesatare 1-3 m/s dhe në bregdet e lugina me rrahje deri në 4-6 m/s.

Duke iu referuar gjithnjë modeleve të hartave të parashikuara deri ditën e enjte temperaturat në vlerat e mesditës pritet të jenë në vlera “normale” si për muajin korrik. Duke filluar nga dita e premte, gradualisht vendi ynë pritet të përfshihet nga një tjetër valë e të nxehtit dhe temperatura që pritet të “kapërcejnë” vlerat 37-38°C në rang vendi./ B.A. - CNA.al

Rikthehen temperaturat e nxehta/ Çfarë parashikojnë

Lajmet e fundit nga