LEXO PA REKLAMA!

SHKARKO APP

App Store
Google Play

Pse Fan Noli nuk u bë pjesë e firmëtarëve të Pavarësisë? Letra që i dërgoi Ismail Qemalit

21 Nëntor 2023, 10:02, Kulturë CNA
Pse Fan Noli nuk u bë pjesë e firmëtarëve të
Fan Noli

Gazetari dhe studiuesi i njohur Ilir Ikonomi ka zbuluar disa detaje të tjera nga biografia e Fan Nolit, të cilën e ka sjellë në një seri me tri vëllime. “Apostulli” është libri i parë i një biografie të re për Fan Nolin për të cilin Ikonomi tha në një intervistë për "Euronews Albania" se gjatë hulumtimeve ka zbuluar edhe një letër që Noli ia kishte dërguar Ismail Qemalit ku kërkonte të ishte pjesë e firmëtarëve të Pavarësisë.

“Në 1912 kur Ismail Qemali ishte duke ardhur në Shqipëri për të shpallur pavarësinë Noli tha që unë do shkoj në Evropë të kontribuoj për këtë që po ndodh, dhe ata nuk i dhanë leje (Vatra), dhe asnjëri nuk e dinte për çfarë dol shkonte. I hipën anijes dhe shkon drejt Liverpul dhe prej andej donte të shkonte në Austri, blen një biletë për në Vjenë se donte të takonte grupin e Ismail Qemalit, donte të bëhej një nga ata që të shpallte pavarësinë. Kishte një ego, donte të ishte një nga firmëtarët, kur ishte në anije iu shkruan atyre në Amerikë që arrita dhe po bëhen gati të nisem, kur zbret sheh gazetat e Liverpulit që pavarësia ishte shpallur. I ka shkruan një letër Ismail Qemalit ku i thotë a ka mundësi të vij t’ju ndihmoj, që unë e lexoj si dëshirë për t’u bërë pjesë e qeverisë”, tha Ikonomi.

Në këtë vëllim prej 430 faqesh, Ikonomi sjell një përshkrim realist dhe me ngjyra të gjalla të Fan Stilian Nolit, në periudhën që fillon me arritjen e tij në Amerikë në vitin 1906 dhe mbaron në vitin 1920, kur ai u largua për në Shqipëri./CNA

 

09:26 Kulturë Agim Xhafka

PËR GJERMANI, SHOFER!

Leksi u çua herët në mëngjes. Duhej të kapte furgonin ...

10:30 Kulturë Besnik Bakiu

Shtetari dhe shkrimtari

Para disa kohësh isha i ftuar në promovimin e librit të Ah...

Lajmet e fundit nga