E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Fan Noli, në një biografi të re/ Ilir Ikonomi sjell librin “Apostulli”

6 Nëntor 2023, 08:35, Kulturë CNA

Fan Noli, në një biografi të re/ Ilir Ikonomi sjell librin

Fan Stilian Noli

Një biografi e re është sjellë me anë të një libri për shkrimtarin e madh dhe politikanin Fan Noli.

Libri “Apostulli” i Ilir Ikonomit përshkruan Fan Stilian Nolin në periudhën që fillon nga arritja e tij në Amerikë më 1906 e deri në vitin 1920, kur kthehet për në Shqipëri.

Ai përmend kontributin e Nolit me themelimin e Kishës Shqipe, Shoqërisë “Besa-Besën”, gazetës “Dielli” dhe Federatës “Vatra”.

Ikonomi tregon se në libër ka sjellë edhe fakte të reja për Nolin, ndërsa do të promovohet të martën e 7 nëntorit.

Statusi i plotë i Ikonomit në rrjetet sociale:

Ju ftoj në promovimin e librit “Apostulli”, vëllimi i parë i një biografie të re për Fan Nolin. Ka 430 faqe dhe është botim i UET Press.

Promovimi bëhet të martën, më 7 nëntor, ora 13:00 në Universitetin Europian të Tiranës (shkohet me autobusin e Porcelanit).

Fan Noli, në një biografi të re/ Ilir Ikonomi sjell librin

Libri “Apostulli” jep një përshkrim me ngjyra të gjalla të Fan Stilian Nolit, në periudhën që fillon nga arritja e tij në Amerikë më 1906 e deri në vitin 1920, kur ai largohet për në Shqipëri.

Gjatë kësaj kohe të rëndësishme, Noli themeloi Kishën Shqipe, Shoqërinë “Besa-Besën”, gazetën “Dielli” dhe, bashkë me Faik Konicën e të tjerë, krijoi Federatën “Vatra”, e cila do të shërbente si një qeveri e Shqipërisë në mërgim.

Në libër do të gjeni fakte të reja për Nolin, njërin prej shqiptarëve më të ditur dhe më interesantë që kanë ekzistuar ndonjëherë. Çdo e dhënë është rreptësisht e dokumentuar.

Për të shkruar librin kam bërë kërkime në shumë arkiva e biblioteka dhe jam këshilluar me historianë e specialistë të tjerë.

Koha që pasqyron ky vëllim nuk ishte aspak një fushë e gjelbër pikniku, por një shesh beteje, ku Noli jo domosdo gëzonte mbështetjen e të gjithëve. Jam përpjekur që lexuesi të mos e shijojë librin si një fotografi, por si një film, ku personazhet debatojnë, përplasen, rrëzohen e ringrihen.

Libri ka një parathënie të shkruar nga historiani i mirënjohur amerikan Bernd Fischer, është i pajisur me shënime në fund të faqeve, me fotografi dhe me një tregues emrash. Ballina është punuar nga Besnik Frashni, UET Press.

Ju faleminderit./ CNA