web counter
LEXO PA REKLAMA!

SHKARKO APP

App Store
Google Play

Niko Peleshi viziton familjen e Dritson Kurtit në Ditën Ndërkombëtare të Komunitetit Rom

8 Prill 2025, 15:18, Sociale CNA

Niko Peleshi viziton familjen e Dritson Kurtit në Ditën

Drejtuesi politik i qarkut të Korçës, Niko Peleshi, vizitoi në Ditën Ndërkombëtare të Komunitetit Rom, familjen e Dritson Kurtit, të përfshirë në një ngjarje që ka prekur jo vetëm komunitetin rom, por edhe më gjerë.

“Kam ardhur këtu për arsye njerëzore. E kuptoj plotësisht pozicionin e drejtësisë, por nuk duhet të harrojmë se sot është edhe Dita Ndërkombëtare e Komunitetit Rom, dhe shumë familje të këtij komuniteti po përballen me sfida të ngjashme”,-u shpreh Peleshi.

Duke u ndalur te rasti konkret, ai tha se përballja me martesat në moshë të mitur kërkon më shumë sesa ndëshkim penal.

“Ligji është i drejtë, por edhe traditat që e kanë sjellë këtë realitet duhen sfiduar. Ky nuk është vetëm një problem ligjor, por një plagë sociale që kërkon punë të thellë dhe të qëndrueshme”,-shtoi Peleshi.

Niko Peleshi viziton familjen e Dritson Kurtit në Ditën

Gjatë bisedës me familjarët, Peleshi vlerësoi faktin se ka një vetëdije në rritje për ndryshimin.

“Edhe vetë komuniteti e pranon që kjo është një traditë që duhet të marrë fund. Por paragjykimet dhe mungesa e informacionit vazhdojnë të jenë barriera të mëdha”,-tha Peleshi.

Niko Peleshi viziton familjen e Dritson Kurtit në Ditën

Ai bëri thirrje për një angazhim të përbashkët të institucioneve, shoqërisë civile dhe vetë komunitetit për të ndalur praktika që dëmtojnë të miturit dhe të ardhmen e tyre.

“Duhet të jemi bashkë për ta trajtuar këtë plagë me edukim, me projekte për integrimin e komunitetit dhe me mbështetje sociale. Shpresoj që fjala ime dhe zëri i kësaj familjeje të dëgjohen me kujdes. Nuk është çështje qeverie, është çështje drejtësie dhe ndërgjegjeje. Por gjithashtu është edhe thirrje për t’u zgjuar si shoqëri. Koha për ndryshim ka ardhur,”-tha Peleshi./CNA





Lajmet e fundit nga