web counter
LEXO PA REKLAMA!

SHKARKO APP

App Store
Google Play

E fundit!

x

Nga emigrimi, te suksesi/ Rruga e një gruaje që nuk u dorëzua

15 Maj 2025, 14:50, Sociale CNA

Nga emigrimi, te suksesi/ Rruga e një gruaje që nuk u dorëzua

Dera mbetet e hapur për të gjithë ata që dëshirojnë të kenë strehën e tyre. Aty i pret Bona, një grua që shumë vite më parë, së bashku me familjen, do ta gjente vetën në emigrim në shtetin fqinj Greqi, për të punuar dhe për të ndërtuar një të ardhme më të mirë.

Pas dy vitesh qëndrimi, vendimi u mor: ajo do të kthehej në vendlindje. Me vetëm 100 mijë lekë të rinj, me shpirtin plot ëndrra e duart plot guxim, Valbona hapi në Gjirokastër një butik për veshje fëmijësh që do të merrte emrin e bukur e domethënës “Zanat Magjike”. Ishte një fillim i thjeshtë, por me shumë dashuri. Çdo veshje e përzgjedhur, çdo copë e sistemuar me përkujdesje, për të sjellë buzëqeshje në fytyrat e vogla të qytetit.

Nga emigrimi, te suksesi/ Rruga e një gruaje që nuk u dorëzua

Por ky biznes ishte vetëm hapi i parë i një rruge shumë më të madhe. Pas disa viteve, Valbona nisi një bashkëpunim me rrjetin ndërkombëtar ‘Century 21’, duke hyrë në botën e pasurive të paluajtshme, një terren i ndërlikuar, veçanërisht në Gjirokastër, ku çështjet e pronësisë shpesh janë të ngatërruara dhe ndërtimet të bllokuara. Por ajo nuk u tremb.

Për katër vite punoi fort, mësoi dhe u përkushtua maksimalisht. Derisa erdhi momenti që të ngrihej në këmbët e saj, si një profesioniste e pavarur, e licencuar dhe e certifikuar. Agjencia “Zanat Magjike”, tashmë një zyrë reale në zemër të qytetit, mbart të njëjtin emër, por me një mision të zgjeruar: të ndihmojë çdo njeri të gjejë shtëpinë e vet të ëndrrave.

Nga emigrimi, te suksesi/ Rruga e një gruaje që nuk u dorëzua

Në murin e saj qëndrojnë dhjetëra certifikata, jo për dekor, por si dëshmi e rrugës së saj të mundimshme dhe të ndershme. Siç thotë vetë:

“Ato janë mund, janë shkollë, janë përkushtim. Janë përballje e çdo dite me realitetin dhe e çdo nate me ëndrrën për të qenë më e mirë”,-shprehet Valbona.

Për këtë punë të palodhur dhe korrektesën e saj, ajo është certifikuar nga vetë ministri i Drejtësisë, si një ndërmjetëse zyrtare e pasurive të paluajtshme në Shqipëri.

Nga emigrimi, te suksesi/ Rruga e një gruaje që nuk u dorëzua

Por Bona nuk është thjesht agjente, nuk është vetëm nënë e tri vajzave të mrekullueshme, as vetëm bashkëshorte. Ajo është një grua, e cila gjatë karrierës së saj ka dhuruar pa fund. Kur vendosi të mbyllte butikun e veshjeve, nuk mendoi për shitje. I dhuroi të gjitha, rroba dhe këpucë në vlerë afro 7 milionë lekë, për fëmijët e Shtëpisë së Fëmijëve në Sarandë. Pa bujë. Pa kamera.

“Donacionet nuk i bëra për televizor,” – thotë – “I bëra me shpirt.”

Së fundmi, ajo ka marrë përsipër edhe një nismë të re, që i kthehet fillimit të saj: fëmijëve. Ka sjellë në Gjirokastër konkursin “Miss Junior”, një aktivitet i bukur që i jep zë dhe dritë vetëbesimit të më të vegjëlve, i motivon, i gëzon dhe i përfshin në botën e vlerave të shëndetshme.

Nga emigrimi, te suksesi/ Rruga e një gruaje që nuk u dorëzua

"Është një aktivitet, i cili nisi në vitin 2020, por për shkak të pandemisë nuk u realizua dot. Më datë 7 qershor do të kurorëzohen të vegjëlit e qytetit, me shumë dhurata",-tha Bani.

Në fund, me buzëqeshje dhe krenari të përmbajtur, Valbona Bani lë një mesazh që i flet çdo gruaje.

“Gratë nuk kanë nevojë për shumë. Mjafton një fjalë e ngrohtë dhe një falënderim. Sepse gratë janë një forcë e madhe. Kur janë të përkushtuara, kur janë të vërteta, kur janë vetvetja – gjithmonë ia dalin”,-shton Bani./CNA





Lajmet e fundit nga