E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Moti i keq/ Ja si paraqitet situata në Pogradec

13 Janar 2025, 20:19, Sociale CNA

Bashkia Pogradec njofton që situata në këtë qark ka nisur të përmirësohet, pasi borëpastrueset kanë zhbllokuar disa akse për qarkullimin e automjeteve.

Mësohet se 12 fshatra të njësisë administrative vijojnë prej 12 orësh të jenë pa energji elektrike.

Njoftimi:

Si pasojë e reshjeve të dendura të dëborës e shoqëruar me erë ka pasur problematika më së shumti në njësitë administrative, për të cilat është punuar gjatë gjithë ditës për zgjidhjen e tyre.

Është punuar dhe hapur tashmë rruga kryesore Golik-Vërri-Proptisht

Është punuar dhe hapur tashmë aksi Proptisht-Slabinjë-Velçan

Është punuar dhe hapur aksi Pogradec-Varret e Grekut-Trebinjë

Vijon edhe në këto momente puna në aksin Qafë-Plloçë-Dardhas për hapjen totale të rrugës kryesore, ndërsa po punohet edhe në aksin Kakaç-Grunjas.

Theksojmë se duhet treguar kujdes i shtuar dhe lëvizja e mjeteve duhet të bëhet me zinxhirë në akset e sipër përmendura.

Përgjatë ditës është punuar për hapjen dhe kriposjen rrugëve kryesore në njësitë Buçimas, Udënisht, Çerravë do vijohet edhe nesër me rrugët dytësore.

Po ashtu ditën e nesërme puna do të vijojë me akset dytësore që lidhin fshatrat me njësitë qendrat e njësive administrative kryesisht në Proptisht, Trebinjë, Velçan dhe Dardhas.

Për momentin kalimi është i vështirë në rrugët

Dardhas-Osnat-Niçë-Prenisht

Velçan-Bishnicë-Jollë

Si pasojë e defekteve 12 fshatra të njësisë administrative vijojnë prej 12 orësh të jenë pa energji, theksojmë se furnizimi i tyre bëhet nga fidri i Prrenjasit, sipas komunikimeve na është konfirmuar se vijojnë të jenë në terren grupet e OSHEE për zgjidhjen e problemit.

Ndërsa në të gjitha njësitë e tjera të Pogradecit ka furnzim normal me energji.

Gjatë ditës së sotme është punuar edhe në qytet në kriposjen e rrugëve të brendshme, pastrimin dhe kriposjen e trotuarëve, puna do të vijojë edhe nesër, pra është punë në proces./CNA