web counter
LEXO PA REKLAMA!

SHKARKO APP

App Store
Google Play

20 vite në rrugë/ 43-vjeçarja në kushte të mjerueshme, apel për ndihmë

16 Dhjetor 2024, 22:13, Sociale CNA
20 vite në rrugë/ 43-vjeçarja në kushte të
Arta Imshhtari

Arta Imshhtari, një grua 43-vjeçare prej dy dekadash jeton në kushte të vështira.

Për shkak të pamundësisë ekonomike, ajo është e detyruar të jetojë në rrugë.

43-vjeçarja thotë se pavarësisht kërkesave të vazhdueshme për një strehë modeste, nuk ka marrë asnjë ndihmë nga institucionet përkatëse.

Imshhtari shprehet se të ardhurat e saj janë minimale, duke arritur vetëm për të mbijetuar dhe për të siguruar ushqimin e përditshëm.

“Kam kërkuar shpesh ndihmë për një strehë, por askush nuk ka ardhur për të më ndihmuar. Të ardhurat e mia nga puna janë të pakta dhe ashtu si çdo ditë, shpresoj që dikush të më ndihmojë.

Kam kohë të gjatë që kërkoja shtëpi, kisha dy çuna dhe doja t’i mbaja pranë familjes, erdha në Vlorë dhe prisja të merrja shtëpi pasi dokumentat e mia ishin të rregullta dhe i plotësonin kushtet. Prej shumë kohësh kërkoja ndihmë në polici për një shtëpi ku mund të stresohesha dhe të lahesha pasi jam femër.

Prej 10 vjetësh kërkoja ndihmë në polici, por vetëm me sorollasnin, shpesh herë kam shkuar dhe në bashki, por përsëri e njëjta përgjigje, shpesh herë ditët i kaloja nga deti, pastaj kur binte errësira vija në qytete sepse kisha frikë. Prita vite me fëmijet se mos bëheshim me shtëpi dhe të ishim të bashkuar, por më pas fëmijet u larguan sepse nuk e duronin dot më mjerimin, më pas dhe burri më la dhe u martua me dikë tjetër, kërkoi ndihmë të menjëhershme pasi jeta ime është shumë e vështirë", u shpreh Arta Imshhtari.

Me kalimin e moshës dhe përkeqësimin e problemeve shëndetësore, ajo kërkon ndihmë urgjente, pasi po ndjen që po humb forcat dhe shëndeti i saj është duke u rënduar.

Arta Imshhtari apelon për ndihmën e institucioneve, për të mundësuar një jetë më të mirë./ CNA





Lajmet e fundit nga