E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Sa alkool mund të përballojë mëlçia/ Sekrete të tjera të vlefshme se si të ushqeheni gjatë festave

26 Dhjetor 2023, 21:00, Shëndeti CNA

Sa alkool mund të përballojë mëlçia/ Sekrete të

Foto ilustruese

Shmangni konsumimin e tepërt të alkoolit

Dijeni se: 1 gotë shampanjë përmban 170 kalori / 1 gotë xhin dhe tonik përmban 165 kalori / 1 gotë verë përmban 90 kalori dhe nëse është e ëmbël përmban 150 kalori.

Në tryezën festive, mbushni një herë pjatën tuaj, shoqëroni me një sallatë dhe konsumojeni pa nxitim.

Zgjidhni bukën me drithëra dhe shmangni gjalpin shtesë, majonezën ose salcat e tjera.

Kujdes nga pjatat që konsiderohen “të lehta”. Nuk do të thotë që mund t'i konsumoni pa moderim.

Përtypeni ushqimin ngadalë dhe hani vakte të vogla dhe të shpeshta (3-6) për t'ju bërë të ndiheni të ngopur gjatë gjithë ditës.

Dhe sa i përket ëmbëlsirës, pyesni veten nëse keni vërtet nevojë për të dhe nëse po atëherë konsumojeni me moderim.

Mbani një ditar ushqimor duke regjistruar atë që hani, sa hani, kur e hani dhe pse e hani dhe nëse një ditë keni abuzuar me sasinë, mund të jeni më të kujdesshëm ditën tjetër.

Shëtisni nëpër lagje, vallëzoni nëpër shtëpi, vetëm lëvizni!

Si të mos e teproni me pijen?

Ndoshta ju keni pirë paksa shumë gjatë sezonit festiv në shtëpi duke pasur parasysh kufizimet këtë vit dhe të nesërmen në mëngjes ndiheni sikur jeni të sëmurë.

Kjo në anglisht quhet “hangover” dhe është simptomë e një sulmi toksik në mëlçi.

Të gjithë janë të ndryshëm dhe trupi funksionon ndryshe, por mbani mend se sa më shumë yndyrë të keni në trup, aq më e vështirë është për trupin tuaj të përpunojë alkoolin.

5 këshilla që duhet të ndiqni kur e teproni me pijen:

1. Hani . Sa më shumë të hani, aq më shumë i tretni simptomat nga alkooli. Por kujdes sepse konsumimi i tepërt i ushqimit mund të çojë në mbikonsumim të alkoolit dhe për pasojë në rritje të peshës trupore.

2. Pini ndërsa pini! Por ujë! Pini një gotë ujë me çdo pije.

3. Pini pasi keni pirë! Uji përsëri! Alkooli dehidraton trupin duke ju bërë të ndiheni keq mëngjesin tjetër. Pini shumë ujë para se të shkoni në shtrat.

5. Mendoni para se të flini. Mos merrni qetësues dhimbjesh para gjumit. Nëse është e nevojshme, merrini kur të zgjoheni. Para se të shkoni në shtrat, hani një ushqim të lehtë, si bukë me pak mjaltë, pini një ose dy gota ujë dhe më pas shkoni të flini. Të nesërmen në mëngjes, pini një kafe të fortë, merrni një qetësues kundër dhimbjeve dhe shmangni alkoolin për pjesën tjetër të ditës, duke i dhënë pushim trupit tuaj./ CNA