E fundit!

12:38 Aktualitet

Sloganet kundër në protestë/ Berisha: Janë vegël e opozitës së opozitës

Kryetari i Partisë Demokratike, Sali Berisha, ka deklaruar...

Pesë ushqimet më të mira për të shëruar dhimbjen e muskujve

23 Janar 2024, 09:28, Shëndeti CNA

Pesë ushqimet më të mira për të shëruar dhimbjen e

Foto ilustruese

Dhimbjet e muskujve shpesh janë të lidhura me sforcimet e trupit gjatë ushtrimeve fizike. Në shumë raste të tjera mund të shkaktohen edhe nga një dietë e varfër ushqimore. Prandaj ekspertët rekomandojnë futjen e disa ushqimeve të caktuara në dietën tuaj për të parandaluar çdo dhimbje.

Potasiumi është minerali kyersor për lehtësimin dhe pakësimin e dhimbjeve. Është një ndihmës esencial në komunikimin që muskujt dhe nervat kanë me njëri-tjetrin. Megjithëse potasiumi është i lidhur kryesisht me bananet ka një sërë ushqimesh të tjera shumë herë më të pasura me këtë mineral.

"AgroWeb.org" më poshtë ju rekomandon 5 nga ushqimet më të vlefshme që do të qetësojnë muskujt tuaj.

Uji

Mungesa e ujit në trup mund të jetë në shumë raste shkaku i dhimbjeve dhe spazmave të muskujve. Sigurohuni të qëndroni gjithnjë të hidratuar për të parandaluar këto simptoma.

Fasulet

Varietete të ndryshme të fasuleve përmbajnë sasi të ndryshme potasiumi, por më të pasura janë fasulet e zeza. Një pjatë fasule të zeza përmban 801 mg potasium që është rreth 17% e vlerës së potasiumit të rekomanduar në një ditë. Sigurohuni t’i përfshini bishtajorët sa më shumë në dietën tuaj për shëndet të mirë.

Lëngu i turshive

Një stadium i vitit 2013 tregoi se lëngu i turshive ndihmon në reduktimin e dhimbjeve muskulare. Gjithsesi, "AgroWeb.org" ju këshillon të bëni kujdes nëse nuk duhet të konsumoni sasi të mëdha kripe.

Shalqi
Mjaftojnë dy feta shalqi në ditë dhe ju do të merrni rreth 640 mg potasium menjëherë. Sigurohuni ta konsumoni atë të freskët gjatë stinës së verës pasi përveçse ju freskon shëron dhe muskujt tuaj.

Patate të ëmbla
Një patate e ëmbël përmban rreth 542 mg kalium duke shtuar këtu edhe nivelet e larta të vitaminës A. Këto patate do të jenë një qetësues natyral për muskuj tuaj. Provojini ato të pjekura, të skuqura apo pure për rezultate të menjëhershme./AgroWeb.org