web counter
LEXO PA REKLAMA!

SHKARKO APP

E fundit!

x

Mjeku ngre shqetësimin: Bëni kujdes nga gripi

11 Janar 2024, 21:13, Shëndeti CNA
Mjeku ngre shqetësimin: Bëni kujdes nga gripi
Epidemiologu Dritan Ulqinaku

Epidemiologu Dritan Ulqinaku ka ngritur shqetësimin duke u bërë apel qytetarëve që të bëjnë kujdes me gripin, pasi ka disa lloje virusesh në qarkullim.  

Mjeku është shprehur se duhet të kontaktojnë me mjekun e familjes për të trajtuar siç duhet gripin.

“Kemi një specifik të rasteve me Covid dhe rasteve me grip. Ka raste që janë dhe të dyja njëkohësisht. Ka shumë mutacione në qarkullim, por nuk ka një mutacion të përbashkët.

Mbasi kalon një infeksion me Covid, imuniteti është shumë i lodhur dhe mund të kalosh gripin.

Për fat të mirë, simptomat e fundit e Covid janë të lehta, karakterizohet nga një temperaturë dhe një kollë, edhe largohet brenda pesë ditësh.

Duhet të shqetësohemi nga gripi. Duhet të jemi të kujdesshëm në rast se ka disa lloj virusesh në qarkullim.

Duhet të mbetemi në kontakt me mjekun e familjes se ai i di shumë mirë historinë tënde, shenjat dhe këshillat që mund të japi. Gjithashtu nuk duhen lënë pas dore dhe higjiena apo kujdes të caktuar”, u shpreh epidemiologu.

Mjeku bëri thirrje që të përdoren maska në qendrat spitalore pasi është një masë mbrojtëse.

“Jo maska nuk është masë, është një maskë mbrojtëse, nuk është shtrënguese. Në qendrat spitalore duhet të jetë e detyrueshme dhe kushtet që të vizitosh pa maskë si nga pacienti dhe nga mjeku nuk është normale. Maska duhet të jetë e vendosur”, tha Ulqinaku./ CNA





Lajmet e fundit nga