E fundit!

09:39 Aktualitet

Përshkallëzojnë përplasjet në protestë/ Hidhet ujë me presion drejt protestuesve

Vijojnë tensionet në protestën para Kuvendit dhe përplasje...

Përfitimet nga qershitë për shëndetin e njeriut

18 Qershor 2024, 19:56, Shëndeti Dr. Ilir Allkja

Përfitimet nga qershitë për shëndetin e njeriut

Foto ilustruese, marrë nga Google

Të gjithë kënaqemi duke u dhënë pas qershive të kuqe plot lëng gjatë stinës së verës, na pëlqejnë fort, por jo të gjithë e dimë se ky frut i bukur e plot shije ka përfitime të shumta për shëndetin.

Qershitë mund të hahen të freskëta, mund të përdoren në shumë receta si tortë, byrekë, shurupe, reçel, gliko etj.

Ato shkojnë me një tas me kos ose drithërat tuaja të mëngjesit.

Përfitimet shëndetësore të qershive janë:

1. Normalizojnë gjumin

Qershitë përmbajnë melatoninë, një hormone i cili përmirëson gjumin në cilësi e sasi. Melatonina është një hormon i prodhuar nga gjëndra pineale në tru, rregullon ciklet e gjumit dhe zgjimit.

2. Lehtësojnë humbjen e peshës

Nëse po planifikoni të humbni peshë, mos harroni të shtoni qershi në dietën tuaj. Qershitë janë të varfra në kalori që do të thotë se rreth një filxhan caji qershi përmban më pak se 100 kalori.

Foto ilustruese, marrë nga Google

3. Forcojnë imunitetin

Ato janë të pasura me vitamina të cilat forcojnë metabolizmin dhe kanë një përmbajtje të moderuar uji që nxjerr jashtë trupit tuaj toksinat.

Qershitë janë një burim i mirë i vitaminës C, kaliumit, fibrave, vitaminave B, manganit, bakrit, magnezit dhe vitaminës K1.

Qershitë janë gjithashtu të pasura me antioksidantë dhe komponime anti-inflamatore.

4. Ulin hipertensionin

Qershitë përmbajnë kalium, kështu, ndihmojnë në heqjen e përmbajtjes së tepërt të natriumit nga trupi, që automatikisht ndihmon në mbajtjen në normë të nivelit të tensionit të gjakut.

5. Parandalojnë sëmundjet kardiovaskulare

Qershitë përmbajnë shumë antociane, antioksidantë që ndihmojnë në reduktimin e LDL, kolesterolit të keq , rregullojnë tensionin e gjakut dhe luftojnë radikalet e lira të cilat shkaktojnë inflamacion. Kështu zvogëlohet rreziku për sëmundje të zemrës dhe goditje në tru.

6. Ju mbajnë të rinj

Qershitë janë të pasura me antioksidantë të cilat luftojnë radikalet e lira, luftojnë plakjen dhe e mbajnë lëkurën të freskët. Kjo e bën lëkurën tuaj të ndihet më e re dhe më e shëndetshme. Qershitë mund të ndihmojnë në heqjen e njollave të errëta nga lëkura juaj që mund të shfaqen për shkak të dëmtimit të diellit. Thjesht pastroni disa qershi dhe përziejini me pak turmerik dhe një lugë çaji mjaltë. Aplikojeni këtë pastë për 10-15 minuta dhe pastaj shpërlajni thjesht me ujë të pastër.

Foto ilustruese, marrë nga Google

7. Parandalon rënien e flokëve.

Qershitë përmbajnë Vitaminë B, Vitaminë dhe Vitaminë C që parandalojnë dëmtimin dhe thyerjen e flokëve dhe e mbajnë skalpin të hidratuar. Vitamina C gjithashtu i jep një shkëlqim natyral lëkurës suaj.

8. Ballancojnë pH tuaj.

Qershitë janë fruta alkaline. Sa herë që rritje të përmbajtjes acidike në trupin tauj, qershitë vlejnë për të balancuar nivelet e pH duke e neutralizuar atë dhe duke parandaluar problemet e stomakut.

9. Ju japin energji.

Qershitë besohet të jenë ndër frutat që nxitin më shumë energjinë dhe rritin përqëndrimin. Ato ndihmojnë në riparimin e qelizave të gjakut, lehtësojnë automatikisht qarkullimin e gjakut dhe rrisin nivelin tonë të energjisë.

10. Ju mbrojnë nga infeksionet urinare.

Qershitë përmbajnë vitamine C në dozë të lartë, e cila eleminohet kryesisht nëpërmjet rrugëve urinare, duke ulur ndjeshëm pH, që do të thotë një mjedis I papërshtatshëm për rritjen e baktereve dhe parazitëve.

Pra, ju duhet të shijoni këto fruta të mrekullueshme jo vetëm thjeshtë për kënaqësi por edhe për përfitimet e tyre në shëndetin tuaj. Derisa të zgjasë sezoni i qershive mos i ndani nga tavolina.

Kujdesuni për veten!