E fundit!

12:36 Politikë

"Të thuash ke shpirtin e bukur, vetëm ti mund ta bësh"/ Lamallari ironizon Balliun: Je delirant

Ministri i Brendshëm, Besfort Lamallari në interpelancën e...

Këshilla nga dermatologia/ Mënyrat më të mira për të mbrojtur flokët nga dëmtimi i diellit

28 Qershor 2023, 18:01, Shëndeti CNA

Këshilla nga dermatologia/ Mënyrat më të mira për

Tashmë që jemi në stinën e verës, një nga shqetësimet tona janë dëmtimi i flokëve nga rrezet e diellit.

Dëmtimi nga dielli mund t'i ndodhë shumicës së llojeve të flokëve, por ka mënyra për t'i mbajtur të mbrojtura fijet dhe skalpin e kokës.

Dermatologia Wilma Bergfeld shpjegon se si dëmtimi i diellit ndodh tek flokët dhe si t'i mbroni flokët tuaj në mënyrat më të mira gjatë kohës që jeni në diell.

“Nëse flokët tuaj janë ekspozuar për një kohë të gjatë në diell, rrezet UVA dhe UVB mund të dëmtojnë mbulesën e jashtme të fijes së flokëve, të quajtur kutikula”, thotë Dr. Bergfeld.

Kështu, flokët tuaj mund të bëhen të thatë, delikatë, me ngjyrë më të zbehtë dhe të ashpër, thënë ndryshe si kashtë. Me kalimin e kohës, nxehtësia dhe thatësia mund të shkaktojnë këputje të tyre.

Lajmi i mirë është se ju mund të merrni masa paraprake për të mbrojtur flokët tuaj nga dielli i nxehtë i verës.

Siç deklaron Dr. Bergfeld, ju mund të përdorni një produkt SPF (faktor mbrojtës nga dielli) që kujdeset për mbrojtjen e flokëve tuaj nga rrezet e dëmshme.

Si funksionon?

Kremi diellor i flokëve funksionon duke formuar një barrierë mbrojtëse në sipërfaqen e flokëve tuaj që ndihmon në mbrojtjen e tyre nga rrezet e dëmshme ultraviolet (UV) të diellit. Përbërësit aktivë në produktet mbrojtëse të flokëve zakonisht përfshijnë filtra UV si avobenzone, oktinoksate dhe oksid zinku

Por është e rëndësishme të theksohet se kremi i diellit për flokët funksionon ndryshe nga kremi i diellit për lëkurën tuaj. Duke qenë se flokët tanë teknikisht përbëhen nga qeliza të vdekura të lëkurës, ato nuk kanë të njëjtin reagim ndaj dëmtimit të diellit si lëkura jonë që mund të ketë skuqje të dukshme, djegie, rënie, etj.

Në vend të kësaj, kremi i diellit për flokët fokusohet në mbrojtjen e kutikulës (zonën e jashtme të fijes së flokëve) duke krijuar një barrierë midis saj dhe rrezeve të diellit.

Ndërsa për të pasur flokë me shkëlqim është e rëndësishme të theksohet se skalpi ynë kërkon mbrojtje më të fortë nga dielli. Për ta bërë këtë, aplikoni një produkt të rregullt me ??SPF (një locion ose spraj) që parandalon dëmtimin e qelizave nga rrezet UV.

Megjithatë, ka edhe spraje ose balsame specifike, por t'i lënë flokët pak të shkumuar ose të yndyrshëm. Ju gjithashtu mund të provoni krem ??dielli mineral ose pluhur.

Aplikimi i mbrojtësit në flokë aplikohet pas stilimit ose krehjes së flokëve, ndërsa kremi mund të aplikohet edhe para stilimit.

Përdorni gishtat ose një krehër për të shpërndarë produktin në të gjithë flokët tuaj, duke mbuluar të gjitha zonat. Lëreni kremin kundër diellit të flokëve të thahet plotësisht përpara se të dilni jashtë.