E fundit!

19:19 Kosova & Bota

I nxehti ekstrem në Greqi/ Qeveria urdhëron pezullim të detyrueshëm të punës për 4 orë në disa sektorë

Greqia ka ndërmarrë disa masa emergjente për mbrojtjen e p...

Artriti reumatoid/ Mjekja tregon moshat që preken më shumë: Dhimbjet e kyçeve janë të shpërndara

30 Qershor 2022, 10:48, Shëndeti CNA

Artriti reumatoid/ Mjekja tregon moshat që preken më shumë:

Foto ilustruese

Artriti reumatoid është një sëmundje afatgjatë dhe prek shumë pjesë të trupit. Sistemi imunitar i trupit, i cili normalisht e mbron atë, fillon të prodhojë substanca që ndikojnë në organizëm. Në artritin reumatoid, investimi i kyçeve fryhet dhe ai pushton në indet fqinje. Trupi ynë prodhon substanca kimike që ndikojnë dhe shkatërrojnë sipërfaqen e kockave.

Për këtë ka folur sot në “ABC e Mëngjesit”, mjekja reumatologe, Learta Karariqi Pepa, e cila ka shpjeguar se te pacientët kanë një tendencë vënieje vetëdiagnoze.

Sipas saj, artriti reumatoid shfaqet kryesisht te të rinjtë, që në moshë të vogël dhe në adoleshentë.

Mjekja ka theksuar se në raste të rralla mund të shpërthejë edhe te moshat 50-60 vjeç.

“Të gjithë pacientët e njohin pak a shumë artritin dhe kur nuk e kanë thonë që janë të sëmurë me artrit. Ka një tendencë vënieje vetëdiagnoze. Është një ndër sëmundjet madhore reumatizmale, e cila në fakt është sëmundje autoimune, si e tillë nuk ka një shkak preciz, i cili mund të luftohet për ta parandaluar. Kur vjen do të merresh me diagnozën e tij dhe trajtimin, nuk ka mundësi parandalimi. Është komponenti gjenetik që mund të ndikojë, po nuk është ai decizivi. Është sëmundje sistemike, ka një shpërndarje në të gjithë organizmin, por pjesa kryesore që preket janë kyçet. Kryefjala që e bën pacientin të vijë te mjeku është dhimbja, dhimbjet e kyçeve që janë të shpërndara. Në shumicën e rasteve kanë karakter simetrik.

Në fakt mund të filloj që në moshë të vogël, që në adoleshencë. Megjithatë, ka pasur raste edhe që në fëmijë fare të vegjël. Pjesa e adulteve fillojnë zakonisht 25-30 vjeç. Është ç’rregullim autoimun. Në shumicën e rasteve është tek adultët e rinj, raste të rralla që mund të shpërthejë edhe 50-60 vjeç”, tha ndër të tjera ajo./CNA.al