web counter
LEXO PA REKLAMA!

SHKARKO APP

App Store
Google Play

E fundit!

x

Promovohen 4 botime të reja/ Shkrimtarja e re Ambra Hysa, dedikim të rinjve

25 Maj 2025, 11:22, Qyteti im CNA


Shkrimtarja e re shkodrane Ambra Hysa promovoi katër librat e saj. Promovimi i këtyre botimeve u bë në bashkëpunim me lidhjen e shkrimtarëve në Shkodër. Hysa shprehet se librat e saj i kushtohen kryesisht të rinjve dhe temës së dashurisë.

“Jam shumë mirënjohëse që sot kam mundësi që të promovoj gjithë rrugëtimin tim artistik me katër libra. Është cikli me poezi ‘Balada e Parë’, “Lady D’, ‘Dashuri në kohën e koronavirusit’, novela ‘Luftë dhe Trëndafila’ dhe sëfundmi ‘Një dekadë dashurie’. Për këto libra kam realizuar takime me të rinj duke qenë se target grupi dhe fokusi im dhe lexuesit e mi janë adoleshentët dhe të rinjtë. Sot bashkë me shoqatën e shkrimtarëve dëshironim që t’i përcillnim gjithë librat sëbashku duke qenë se unë jam autore e re dhe jam në hapat e parë të këtij rrugëtimi dhe me shumë modesti dëshiroj që t’i përcjell pranë lexuesit. Temat që unë trajtoj zakonisht janë temat e dashurisë. Thonë që askush më mirë se të rinjtë nuk mund të flasin për dashurinë. Të rinjtë janë ata që lexojnë më shumë për dashurinë edhe pse unë them se dashuria nuk njeh moshë. Përmes kësaj unë mundohem që të përcjell mesazhe vlerash, për familjen duke e marrë dashurinë në një koncept më të gjerë se sa thjeshtë atë romantike”, u shpreh shkrimtarja.

Kryetari i Lidhjes së Shkrimtaëve në Shkodër Zija Vukaj tha se Ambra Hysa është një autore që premton me librat e saj ndërsa ka marrë edhe vlerësimet e kritikës.

“Ambra Hysa është afruar kohët e fundit pranë shoqatës të shkrimtarëve të Shkodrës. Është vajzë e talentuar, ka botuar katër libra, të gjithë në prozë por kanë veçori të ndryshme. Përpara se të antarësohej në shoqatën tonë Ambra Hysa përgjatë procesit të botimeve të librave të saj ka vlerësime shumë të mira edhe nga specialistët e letërsisë, edhe nga shtëpitë botuese, nga kritika letrare pra ka vlerësimë shumë të konsiderueshme. Edhe unë vetë kam lexuar librat e saj dhe them me bindje se ka prirje për të shkruar prozën, ka aftësi për të shpalosur narrativën e saj, ka edhe përshkrime, ka personazhe, ka digresione dhe përgjithësisht është një autore që premton”, tha Vukaj.

Ambra Hysa do të vijojë në të ardhmen me të tjerë libra të shkruar nga ana e saj duke tentuar që të tërheq gjithnjë e më shumë vëmendjen e lexuesve./ CNA





Lajmet e fundit nga