web counter
LEXO PA REKLAMA!

SHKARKO APP

App Store
Google Play

E fundit!

x

Testimi i vlerësimit të arritjeve/ Kadija: 1231 nxënës në Shkodër morën pjesë në testim

22 Maj 2025, 18:08, Qyteti im CNA

Testimi i vlerësimit të arritjeve/ Kadija: 1231 nxënës

Nxënësit e klasave të 5-ta në gjithë vendin duke përfshirë edhe Shkodrën i janë nënshtruar provimit të shtetit duke përmbyllur kështu ciklin fillor të studimit. Drejtoresha e Zyrës Vendore të Arsimit në Shkodër, Brisela Kadia shprehet se në Shkodër janë 1231 nxënës në 63 shkolla që janë bërë pjesë e këtij testimi të rëndësishëm.

“Sot po zhvillohet procesi i vlerësimit të njohurive të nxënësve të ciklit fillor, më pëlqen ta quaj process dhe jo testim për të mos i dhënë atë peshën e rëndesës psikologjike tek nxënësit. Është një testim që bëhet për të vlerësuar njohuritë që nxënësit kanë përfituar në 5 vitet e arsimit fillor. I nënshtrohen vetëm nxënësit që ndjekin klasat e 5-ta dhe janë të organizuar në 13 qendra provimi dhe janë të përfshira 63 shkolla me 1231 nxënës që i janë nënshtruar këtij procesi”, tha Kadia.

Për nxënësit me aftësi ndryshe ka një provim të veçantë ndërsa qëllimi është për të parë edhe nivelin e të gjithë nxënësve të klasave të 5-ta në përgjithësi.

“Kemi 14 nxënës me aftësi ndryshe të cilët kanë testin e tyre të veçantë por sigurisht edhe një mësues që do t’i asistojë gjatë gjithë procesit të testimit. Qëllimi kryesor në fakt i këtij procesi është për të vlerësuar njohuritë që nxënësit kanë përfituar dhe kompetencat kyçe që nxënësit kanë marrë në gjuhë shqipe, matematikë dhe dituri natyre. Ka edhe një qëllim tjetër për të parë edhe nivelin e aktualizimit të këtyre njohurive në situate reale por nga ana tjetër edhe për të evidentuar mangësitë dhe nevojën për ndërhyrje në procesin e të mësuarit”, u shpreh Kadia.

Nisur nga eksperienca e viteve të kaluara rezultatet e nxënësve të klasave të 5-ta në këtë provim kanë qenë në përputhshmëri me rezultatet e tyre gjatë viteve të shkollimit.

“Rezultatet që nxënësit në fakt kanë marrë në përfundim të këtij procesi kanë qenë në përpuethshmëri edhe me nivelin që ata kanë përfituar në 4 vitet e arsimit fillor. Nuk është se ka patur luhatje në ditën e testimit nga vlerësimet që këta nxënës kanë marrë gjatë 5 viteve të arsimimit. Nuk ka patur problematika në këtë proces të këtij viti, qoftë në menaxhimin e procesit apo në vlerësimin e këtij provimi që nxënësit kanë zhvilluar”, tha drejtoresha e ZVA Shkodër.

Pas këtij provimi nxënësit e klasave të 5-ta bëhen gati për vitin e ardhshëm shkollor duke nisur një rrugë të re të arsimimit të tyre./ CNA





Lajmet e fundit nga