web counter
LEXO PA REKLAMA!

SHKARKO APP

App Store
Google Play

E fundit!

x

Zhupa: Krisje muresh dhe rrezik shembjeje e Muzeut të Pavarësisë në Vlorë, duhet restaurim

10 Maj 2026, 10:47, Politikë CNA

Deputetja demokrate Ina Zhupa, ka reaguar sot lidhur me gjendjen e Muzeut të Pavarësisë në qytetin e Vlorës.

Përmes një video-postimi në rrjetet sociale, Zhupa thekson se amortizimi i këtij muzeu rrezikon edhe degradimin e simboleve të identitetit kombëtar, pasi ambienti ka pësuar krisje muresh dhe është drejt shembjes, ndërsa bën thirrje për ndërhyrja të mënjëhershme restauruese.

Reagimi i plotë i Ina Zhupës:

Ndodhem në qytetin e Vlorës, mbrapa meje është Muzeu Kombëtar i Pavarësisë. Një simbol kombëtar identitetit shqiptar, historisë shqiptare.

Siç mund ta shikoni, fatkeqësisht ky muze ka pësuar krisje kudo nëpër muret e tij, ballkoni është totalisht i pa aksesueshëm dhe i pa vizitueshëm nga banorët dhe rrezikon shëmbjen.

Kjo nuk është fytyra e shtetit shqiptar, ky nuk është dinjiteti që duhet të kenë shqiptarët të prezantuar në raport me veten e tyre por edhe me turistët që vijnë.

Ndaj sot nga Vlora i bëj thirrje Ministrisë së Turizmit dhe Kulturës që menjëherë të nisë restaurimin e kësaj godine historike, të vërë paratë e duhura, të vërë njerëzit e duhur që të kenë mundësi që gjatë sezonit turistik të kemi dinjitet në simbolin më të rëndësishëm të identitetit kombëtar./CNA

 





Lajmet e fundit nga