web counter
LEXO PA REKLAMA!

SHKARKO APP

App Store
Google Play

E fundit!

x

Braçe i afrohet te tavolina/ Berisha: Beson se është protagonist, unë nuk bëj hipokrizi

7 Maj 2026, 15:33, Politikë CNA

Braçe i afrohet te tavolina/ Berisha: Beson se është

Një moment që ka tërhequr vëmendjen sot gjatë seancës parlamentare ishte kur deputeti socialist Erion Braçe afrohet pranë Sali Berishës për të debatuar për çmimin e naftës.

Në një deklaratë për gazetarët jashtë Kuvendit, Berisha u shpreh se Braçe mendon se është protagonist dhe po i tregonte tabelën se Gjermania e ka naftën më të shtrenjtë se Shqipëria.

Por Berisha i qëndroi deklaratës së tij se shqiptarët e paguajnë 7 herë më shtrenjtë naftën se gjermanët.

“Jo, shumë e vërtetë, shumë e vërtetë. Braçe tha se Gjermania... sepse Braçen, pse e hoqi ajo andej? Nga Myzeqeja? Se Braçe në vend se të fillonte grevë urie aty për fermerët, rrinte dhe në një mënyrë e turbullonte fajin e qeverisë për çmimin e naftës. Tani, edhe ju jeni gazetarë, çmimi i naftës në Shqipëri, taksa mbi çmimin e naftës, mbi litrin e naftës, është absolutisht ndër më të lartit në Europë dhe në botë, në mos më e larta.

Prit një minutë, se ai e kishte protagonizmin, se ai beson se është protagonist. Po unë nuk bëj hipokrizi. Unë u them shqiptarëve që taksën e keni dhuratë nga Edi Rama, çmimin e lartë e keni nga Edi Rama dhe faktoj, dhe ky nuk ua thotë që e keni nga Edi Rama. Po thotë, e dëgjuat vetë, ishte 7 lekë thotë, por ne zgjodhëm 28 lekë. Nga 7 e bëmë 28, ishte politika jonë thotë kjo. Po si është politika jonë?

Politikën tuaj e paguajnë fshatarët, e paguajnë qytetarët politikën tuaj. Pse e marrim shtatë ne? Pra, e kuptuat ju? Dhe ai erdhi dhe solli një tabelë ku donte të më bindte mua se Gjermania e paska më të shtrenjtë, më të lartë taksën e naftës se ne. Tani, ku qëndron e vërteta? E vërteta është që Gjermania e ka 45% të çmimit.

Shqipëria e ka gjer në 55% të çmimit. Por, ka një tjetër, po hyjmë në krahasime. Në qoftë se gjermani punon një orë ose më pak se një orë për litrin e naftës, shqiptari punon një ditë. Pra, në buxhetin familjar, shqiptarit i kushton nafta 7 herë më shtrenjtë se gjermanit. Kjo është”, tha Berisha./ CNA





Lajmet e fundit nga