web counter
LEXO PA REKLAMA!

SHKARKO APP

App Store
Google Play

E fundit!

x

Ministri Hoxha takon Shefin e NATO-s, Rutte: Aleanca, më e rëndësishme se kurrë në situatën gjeopolitike

7 Maj 2026, 12:27, Politikë CNA

Ministri për Europën dhe Punët e Jashtme, Ferit Hoxha, zhvilloi këtë të enjte një takim me Sekretarin e Përgjithshëm të NATO-s, Mark Rutte.

Siç bën me dije Hoxha përmes një postimi në platformën "X", takimi vjen në një kohë kur Shqipëria është e lidhur me më shumë angazhim dhe përgjegjësi brenda Aleancës.

“Ndamë mendimin se në mjedisin e sotëm të sigurisë, gjithnjë e më kompleks dhe të paparashikueshëm, NATO është më e rëndësishme dhe më e domosdoshme se kurrë. Forcimi i mbrojtjes kolektive, rritja e shpenzimeve të mbrojtjes, mbështetja e palëkundur për Ukrainën, si edhe zgjerimi i kapaciteteve industriale të mbrojtjes, mbeten prioritete për parandalimin, qëndrueshmërinë dhe sigurinë transatlantike. Shqipëria e ka dëshmuar vazhdimisht veten si një aleat i besueshëm, i përkushtuar dhe aktiv. Kontributi ynë në sigurinë kolektive vazhdon të rritet përmes rritjes së investimeve në mbrojtje, modernizimit të Forcave tona të Armatosura dhe pjesëmarrjes aktive në misionet dhe operacionet e Aleancës. Bazuar në këtë trajektore, Shqipëria mbetet plotësisht e përkushtuar për të forcuar më tej aftësitë e saj mbrojtëse dhe për të siguruar që angazhimet tona përkthehen në gatishmëri konkrete operacionale që do të rrisin sigurinë kombëtare dhe atë kolektive”,-shprehet Hoxha.

Po ashtu, Hoxha theksoi se Shqipëria u ofrua për një samit të NATO-s në Tiranë, në koordinim të ngushtë me selinë qëndrore./CNA

 





Lajmet e fundit nga