web counter
LEXO PA REKLAMA!

SHKARKO APP

App Store
Google Play

Zgjedhjet për Bashkinë Tiranë/ Alimehmeti: PD si vëllai i madh, të mbledhë opozitën

20 Shtator 2025, 21:14, Politikë CNA

 Zgjedhjet për Bashkinë Tiranë/ Alimehmeti: PD si vëllai i

Anëtari i Këshillit Kombëtar të Partisë Demokratike, Ilir Alimehmeti komentoi këtë të shtunë lidhur me garën e hapur për drejtimin e Bashkisë së Tiranës.

Në një intervistë në A2CNN, Alimehmeti u ndal edhe te roli i PD-së si forca më e madhe opozitare në vend, teksa theksoi se për këtë garë duhet të sillet si një vëlla i madh që ka përgjegjësi dhe bashkon të gjithë frontin opozitar.

“Partia Socialiste ka përdorur mentalitetin e pushtuesit. Që do të thotë, heq dhe zhbën ata që ka kundër, mundohet të blejë dhe intimidojë ata që mbesin dhe thotë ja kaq kanë mbetur këta dhe këta votojnë. Aktualisht sot që flasim ne kanë 48% në qarkun e Tiranës kështu siç është. Ku e ka forcën? Nëse gjehet gjuha e përbashkët e përmbledhjes, kujt i takon kjo? I takon PD, është forca opozitare e parë dhe më e madhe. Këto janë fjalët e mia që i kam thënë me vite, nuk është se po ndryshoj ndonjë fjalë sot. Vëllai i madh ka përgjegjësi në shtëpi, për të mbledhur vëllezërit dhe motrat e tjera. Për çfarë qëndrojmë ne? Qëndrojmë ne kundër shpopullimit, kundër korrupsionit, pro familjes, qëndrojmë pro besimit, hajde mblidhemi. Qëndrojmë ne pro kombit, pra këto neve na bashkojnë. Programet mund t'i diskutojmë sepse mund të kemi metoda të ndryshme sesi ne i zhvillojmë këto”,-tha Alimehmeti./CNA

 

 

 





Lajmet e fundit nga