web counter
LEXO PA REKLAMA!

SHKARKO APP

App Store
Google Play

E fundit!

x

Nga digjitalizimi te hapja e institutit për edukimin e të miturve/ Lamallari zbulon prioritetet

20 Shtator 2025, 13:19, Politikë CNA

Nga digjitalizimi te hapja e institutit për edukimin e të miturve/

Besfort Lamallari mbajti fjalën e parë të tij në detyrën e re si ministër i Drejtësisë.

Gjatë fjalës, Lamallari theksoi se pika kyçe e qeverisjes është digjitalizimi në çështjet gjyqësore, duke e bërë kështu më të lehtë sistemin.

“Një nga elementët më të rëndësishëm, për të cilin kemi punuar prej kohësh, është digjitalizimi dhe funksionimi i sistemit të integruar të çështjeve gjyqësore në të gjitha prokuroritë dhe gjykatat, për të pasur një sistem lehtësisht të aksesueshëm dhe transparent”, tha ai.

Një tjetër pikë e qeverisë sipas Lamallarit ishte dhe përmirësimi i infrastrukturës gjyqësore si dhe përmirësimi i kushteve të trajtimit të të paraburgosurve dhe të dënuarve.

Po ashtu nënvizoi se e rëndësishme është dhe hapja e Institutit për edukimin dhe rehabilitimin e të miturve.

“Vijojmë punën për përmirësimin e infrastrukturës gjyqësore, që përfshin godinat e prokurorisë, si dhe zbatimin e masave të planit të burgjeve, duke synuar përmirësimin e kushteve të trajtimit të të paraburgosurve dhe të dënuarve. Duke qenë vend avangard në rajon dhe denjësisht i përfaqësuar në Bashkimin Europian, hapja e këtij institucioni është një nga arritjet tona më të rëndësishme. Po punojmë për krasimin e kuadrit ligjor vendas, duke shmangur mbivendosjen dhe duke kontribuar në cilësinë më të lartë të tij në hartim, përmes përdorimit maksimal të aleatit tonë, inteligjencës artificiale”, tha Besfort Lamallari./ CNA





Lajmet e fundit nga