E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Yuri Kim-Berishës: Personat e shpallur të korruptuar nga SHBA, s’duhet të përfaqësojnë shqiptarët

4 Prill 2023, 19:18, Politikë CNA

Yuri Kim-Berishës: Personat e shpallur të korruptuar nga SHBA,

Ambasadorja e SHBA në Shqipëri, Yuri Kim është shprehur se është e gabuar që personat të cilët janë akuzuar nga Amerika si të përfshirë në korrupsion të marrin pjesë në zgjedhjet e 14 majit.

Në një intervistë ekskluzive për Zërin e Amerikës, ambasadorja ka treguar se është absurde që persona të cilët janë akuzuar për korruspion nga SHBA, si rasti i kryedemokratit Sali Berisha, të premtojnë se do ta luftojnë atë.

“Është njësoj si zjarrvënësi i fshatit që premton se do shuajë të gjitha zjarret;, por kërkon edhe të gjitha shkrepset që mund të gjejë nga të gjithë fshatarët e tjerë”, tha ajo ndër të tjera.

Në fund të intervistë ajo nënvizoi se qytetarët shqiptarë meritojnë më të mirën dhe se janë të zgjuar për të kuptuar se këta persona nuk duhet të jenë në krye të shtetit.

“Është një gjë e gabuar. Është e gabuar. Në mendimin objektiv dhe të mirëmenduar të Sheteteve të Bashkuara të Amerikës, personat të cilët janë të përcaktuar, nuk duhet të jenë përfaqësues të popullit shqiptar. Populli shqiptar meriton më mirë dhe kërkon më mirë. Me këtë ka të bëjë demokracia, me këtë ka të bëjë edhe reforma në drejtësi. Dhe mendoj se kur ke njerëz të përcaktuar nga Shtetet e Bashkuara të Amerikës për korrupsion domethënës, kur këta individë pretendojnë që do të largojnë korrupsionin, është njësoj si zjarrvënësi i fshatit që premton se do shuajë të gjitha zjarret; madje jo vetëm kaq, por kërkon edhe të gjitha shkrepset që mund të gjejë nga të gjithë fshatarët e tjerë. Është thjesht e gabuar, e gabuar. Dhe mendoj se qytetarët e zakonshëm shqiptarë janë të zgjuar dhe e dinë se kjo nuk ka logjikë. Mendoj se qytetarët shqiptarë meritojnë më mirë dhe më shumë se aq; Shtetet e Bashkuara të Amerikës besojnë se Shqipëria meriton dhe duhet të jetë më mire”, tha ajo./CNA.al